Të paktën katër persona u vranë pasi Rusia nisi një sulm masiv të kombinuar ndaj Kievit herët të premten, duke shkaktuar zjarre dhe duke dëmtuar ndërtesa banimi në shumë lagje të kryeqytetit, tha kryebashkiaku Vitali Klitschko.
Klitschko shtoi se ende po mblidhen më shumë informacione rreth viktimave, pasi ekipet e shpëtimit nuk ishin në gjendje të nxirrnin dy trupa nga rrënojat.
Të paktën 26 persona u plagosën ndërsa ekipet e emergjencës iu përgjigjën sulmeve të shumta, sipas zyrtarëve.
Presidenti ukrainas Volodymyr Zelenskyy e quajti atë një “sulm të llogaritur qëllimisht që synonte të shkaktonte dëm maksimal ndaj njerëzve dhe infrastrukturës civile”, në një postim në X.
Nga ana tjetër, Ukraina kreu një valë të madhe sulmesh.
Zyrtarët rusë thanë se dronët dëmtuan një anije në port, pallate apartamentesh dhe një depo nafte në portin rus të Novorossiysk në Detin e Zi.
Ata thanë se strukturat bregdetare u dëmtuan gjithashtu dhe sulmi shkaktoi një zjarr në një depo nafte.
Guvernatori i rajonit të Saratovit tha se sulmet me dronë kishin dëmtuar infrastrukturën civile, ndërsa kreu i rajonit të Volgogradit tha se mbrojtja ajrore kishte zmbrapsur një sulm të natës ndaj infrastrukturës energjetike.
