Presidenti rus Vladimir Putin ka qëndruar në New Delhi më 4–5 dhjetor, ku u takua me kryeministrin indian Narendra Modi në kuadër të një vizite shtetërore.
Gjatë qëndrimit në Indi, Putin dha intervistë për mediat indiane, ku deklaroi se Rusia do të sigurojë kontrollin e plotë mbi Donetsk dhe Luhansk “në çdo rast” – ose me mjete ushtarake, ose përmes tërheqjes së forcave ukrainase nga ato zona.
Deklarata u interpretua nga një pjesë e vëzhguesve si shenjë e forcimit të kërkesave ruse në një moment kur në prapaskenë po shtyhen përpjekje diplomatike për një marrëveshje, duke ngritur shqetësime se Moska nuk po sinjalizon kompromis territorial.
Media indiane raportuan gjithashtu se Putin foli për “çlirimin” e Donbasit dhe “Novorossiya”-s “një mënyrë a tjetër”, duke e lidhur këtë qëndrim me synimet e Rusisë në lindje të Ukrainës.
Ndërkohë, bisedimet në New Delhi u fokusuan edhe në bashkëpunimin ekonomik e tregtar, ku palët u shprehën për zgjerim të shkëmbimeve përtej naftës, mbrojtjes dhe sektorëve tradicionalë.
