KFOR-i tha se disa ushtarë të misionit paqeruajtës të NATO-s përfunduan një Garë Ndërkombëtare të Sportit Ushtarak të organizuar nga Forcat e Armatosura Austriake.
“Qëndrimi në formë fizikisht dhe i mbrehtë mendërisht janë kritike për suksesin e përgjithshëm të trupave tona 💪🏼 të KFOR-it”, thuhet në njoftim.
KFOR-i përsëriti se këto aktivitete janë pjesë e misionit të përditshëm për të garantuar një ambient të sigurt dhe të qetë për të gjithë njerëzit që jetojnë në Kosovë.
KFOR-i gjithashtu përsërit se vazhdon ta zbatojë mandatin e tij për të kontribuar në një mjedis të sigurt dhe të qetë për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe se punon në koordinim të ngushtë me Policinë e Kosovës dhe Misionin e Bashkimit Europian për Sundimin e Ligjit në Kosovë (EULEX).
