Zëvendësministri i Infrastrukturës, Hysen Durmishi, nëpërmjet një postimi në “Facebook”, ka bërë të ditur se është lëshuar uji në bajpasin në kanalin e Ibër-Lepencit.
“Për më pak se një javë është ndërtuar dhe funksionalizuar komplet bajpasi në kanalin e Ibër Lepencit. Para pak çastesh e lëshuam ujin në bajpas. Tani do të ketë ujë të mjaftueshëm edhe për KEK-un e edhe për KRU-të. Që nga java tjetër do të fillojmë sanimin e përhershëm të kanalit”, ka shkruar Durmishi, në profilin e tij në “Facebook”.
