Vizita e Presidentes Osmani në SHBA: “Një Mirëpritje Madhështore në Akademinë Ushtarake West Point”
Presidentja e Kosovës, Vjosa Osmani, ka ndarë me publikun pamje nga vizita e saj në Shtetet e Bashkuara të Amerikës, ku ajo u mirëprit me nderime të veçanta në Akademinë Ushtarake të West Point-it. Kjo akademi është një nga institucionet më të rëndësishme në SHBA, ku liderë të shumtë ushtarakë, përfshirë edhe ata nga Kosova, janë trajnuar për të shërbyer me integritet dhe sakrificë.
Në një postim emocionues në rrjetet sociale, Presidentja Osmani e përshkroi ditën si “të paharruar” dhe falënderoi Akademinë për nderimin e bërë ndaj Republikës së Kosovës. “Një ditë e paharruar në West Point, akademinë ushtarake ku gjenerata të tëra liderësh ushtarakë amerikanë e nga Kosova janë arsimuar për të shërbyer me integritet, vetmohim dhe sakrificë!”, u shpreh ajo.
Kjo vizitë vjen në një moment kyç të marrëdhënieve të Kosovës me aleatët ndërkombëtarë, duke theksuar rëndësinë e bashkëpunimit të ngushtë me SHBA-të në fushën e sigurisë dhe mbrojtjes. Osmani shtoi se ky ishte një akt i rëndësishëm që pasqyron respektin dhe përkushtimin e ndërsjellë mes dy vendeve.
Ky udhëtim pritet të forcojë më tej pozicionin strategjik të Kosovës në arenën ndërkombëtare, duke rikonfirmuar aleancën e fortë me Shtetet e Bashkuara dhe mbështetjen e saj të vazhdueshme për Kosovën.
Por pyetja që shtrohet, ku është Kryeministri Kurti në këtë angazhim?!
by: storm-rks + profili privat i Presidentes
