spot_img
E shtunë, 29 Nëntor, 2025
20:41
HomeKosovaVizita në Maltë: Kurti merr pjesë në Këshillin e Internacionales Socialiste

Vizita në Maltë: Kurti merr pjesë në Këshillin e Internacionales Socialiste

Për lajme të shkurtra dhe informuese, ndiqni kanalin tonë në YouTube!
🔗 Kliko: KËTU

Kryeministri në detyrë dhe njëherësh kreu i Lëvizjes Vetëvendosje (LVV), Albin Kurti, ka marrë pjesë në Këshillin e Internacionales Socialiste, që u mbajt në Maltë, aty ku thuhet se u diskutua për sfidat globale të paqes e të demokracisë, të drejtësisë sociale e të ndryshimeve klimatike.

“Punimet e Këshillit nisën me takimin e Presidiumit, ku së bashku me udhëheqës të tjerë progresistë, kryeministra dhe kryetarë të partive socialdemokrate, socialiste e laburiste, u diskutua mbi sfidat globale të paqes e të demokracisë, të drejtësisë sociale e të ndryshimeve klimatike”, thotë LVV-ja në njoftim.

- Advertisement -

Kjo parti ka treguar se kreu i saj, Kurti, mbajti fjalim para delegacioneve pjesëmarrëse. “Ai theksoi rëndësinë e të drejtave të njeriut dhe të sundimit të ligjit. Kryeministri i Kosovës shpjegoi se si në mandatin e tij lufta kundër korrupsionit ka kontribuar në rritjen ekonomike gjersa politikat sociale të rishpërndarjes e kanë bërë zhvillimin progres gjithëpërfshirës”, thuhet në njoftimin e Lëvizjes Vetëvendosje.

LVV-ja thotë se pjesëmarrja e Kurtit në këtë forum ndërkombëtar thekson angazhimin e Kosovës në organizatat progresiste globale dhe rikonfirmon funksionin e saj aktiv në promovimin e paqes, dialogut e të lirisë, të demokracisë, solidaritetit dhe të drejtësisë.

- Advertisement -

“Në punimet e këtij Këshilli morën pjesë edhe krerë të lartë të Qeverive nga vende të ndryshme, përfshirë kryeministrin e Maltës, Robert Abela si nikoqir si dhe kryeministrin e Spanjës dhe Kryetarin e IS, Pedro Sánchez, të cilët së bashku me liderë të tjerë progresistë diskutuan mbi dinamikat aktuale globale e sidomos ato në Mesdhe, si dhe rolin e detyrat e Internacionales Socialiste në këtë kontekst”, ka bërë të ditur Lëvizja Vetëvendosje (LVV).

ARTIKUJ TË TJERË
- Advertisment -spot_img

Më të lexuarat