Ministrja e Drejtësisë, Albulena Haxhiu, i ka reaguar Këshillit Prokurorial të Kosovës dhe e Zyrës së Kryeprokurorit të Shtetit, të cilët thanë se “zbatimi i ligjit nuk mund të keqinterpretohet sipas shijeve, interesave dhe nevojave ditore të Kryeministrit në detyrë”.
Lidhur me këtë, Haxhiu ka thënë se Albin Kurti nuk është kryeministër në detyrë, “dhe se sot është data 4 mars dhe jo 4 shkurt”.
- Advertisement -
Ajo në një postim në Facebook ka shkruar se “fakti që i referohen si kryeministër në detyrë flet shumë”.
“Le t’i tregojë dikush KPK-së dhe ZKPSH-së, që Kryeministri, Albin Kurti nuk është kryeministër në detyrë dhe se sot është data 4 mars dhe jo 4 shkurt. Fakti që i referohen si kryeministër në detyrë flet shumë”, ka reaguar Haxhiu.
