Presidentja Vjosa Osmani nga kazerma “Adem Jashari” në 28-vjetorin e Epopesë: “FSK është trashëgimtarja e lavdishme e UÇK-së

Presidentja Vjosa Osmani deklaroi se Epopeja e marsit 1998 është dëshmia e gjallë se liria fitohet vetëm me sakrificë, unitet dhe besim të palëkundur te e drejta jonë.

Gjatë rreshtimit të kuadrateve të FSK-së, ajo theksoi se ushtria e Kosovës mbart në zemër idealin e lirisë dhe në duar përgjegjësinë për sigurinë e plotë të republikës.

Osmani u shpreh se krenaria e Kosovës nuk mbetet vetëm në të kaluarën, por ajo sot reflektohet te profesionalizmi dhe përkushtimi i lartë i ushtarëve tanë modernë.

 Mesazhi u dha në shënimin e përvjetorit të rënies heroike të familjes Jashari, duke vlerësuar rrugëtimin e vështirë për të jetuar të lirë në vatrat tona shekullore.