Putini i dëshpëruar urdhëron përdorimin e tankeve “kinematografike” në Ukrainë
storm•/Rusia: Vladimir Putin është detyruar të mobilizojë tanke të vjetruara T-55, të cilat më parë janë përdorur në produksione të Hollywood-it, për t’i dërguar në Ukrainë.
Ushtria ruse ka shkuar në studiot Mosfilm për të marrë dhjetëra tanke, dhe presidenti e ka falënderuar personalisht Karen Shakhnazarov-in, CEO-n e kompanisë, nga Kremlini për kontributin e tij.
“Ne ia kemi dorëzuar Forcave të Armatosura [ruse] 28 tanke T-55, tetë tanke PT-76, gjashtë BMP (mjete luftarake) dhe tetë traktorë [që] i kishim të magazinuara në bazën ushtarako-teknike,” tha Karen Shakhnazarov gjatë një takimi me liderin rus.
“Zbulova se kishte një nevojë, kontaktova Ministrinë e Mbrojtjes dhe ata morën këto mjete. Me pak fjalë, këto janë rezultatet tona,” shtoi ai.
Tanku T-55 u prodhua për herë të parë në BRSS në vitin 1946, me prodhimin që përfundoi në vitin 1981. Vitin e kaluar, presidenti rus kishte urdhëruar sekuestrimin e tankeve nga muzeumet për t’u përmirësuar dhe dërguar në vijat e frontit.
Rusia ka pësuar humbje të mëdha njerëzore dhe materiale gjatë gati tre viteve të konfliktit.
