Një bombë e fshehur në një skuter elektrik ka vrarë një gjeneral të lartë përgjegjës për forcat e mbrojtjes bërthamore në Moskë, njoftoi komiteti hetimor i Rusisë.
Gjenerallejtënant Igor Kirillov, i cili ishte shefi i Trupave të Mbrojtjes Radiologjike, Kimike dhe Biologjike (RChBD), u vra të martën jashtë një pallati në Ryazansky Prospekt.
Bashkë me të u vra edhe ndihmësi i tij.
Trupat ruse të mbrojtjes radioaktive, kimike dhe biologjike, të njohura si RKhBZ, janë forca speciale që veprojnë në kushte të kontaminimit radioaktiv, kimik dhe biologjik.
Të hënën, prokurorët ukrainas e akuzuan Kirillovin në mungesë për përdorimin e dyshuar të armëve kimike të ndaluara në Ukrainë, por Rusia i mohoi këto akuza.
Britania në tetor sanksionoi Kirillovin dhe forcat e mbrojtjes bërthamore për përdorimin e agjentëve të kontrollit të trazirave dhe raporteve të shumta të përdorimit të agjentit toksik mbytës kloropikrinë në fushën e betejës.
