Prokuroria Themelore në Mitrovicë ka urdhëruar që të rinumërohen të gjitha qendrat e vendvotimeve në komunën e Vushtrrisë.
Zëdhënësi i Prokurorisë, Valon Preteni, ka thënë se kanë pranuar ankesë nga një kandidate për deputete.
- Advertisement -
“Do të bëhet rinumërimi dhe varësisht nga rezultatet do të veprohet. Ka pasur ankesë prej një kandidateje për deputete”, ka thënë Preteni.
Aktualisht po bëhet numërimi i votave me kusht.
- Advertisement -
Sipas Komisionit Qendror të Zgjedhjeve (KQZ), nga numërimi i 44 vendvotimeve nga 56 në total, Lëvizja Vetëvendosje është e para me 2.634 vota apo 40.21 për qind, pasuar nga Partia Demokratike me 1186 vota apo 18.11 për qind, Lidhja Demokratike me 887 vota apo 13.54 për qind.
Koalicioni AAK-Nisma aktualisht ka 407 vota apo 6.21 për qind.
