Balotazhi presidencial rumun midis kandidatit të ekstremit të djathtë Calin Georgescu dhe pro-BE-së së qendrës Elena Lasconi nuk do të njihet pasi Gjykata Kushtetuese i anuloi rezultatet e raundit të parë të votave dhe njoftoi se në vend të tyre do të mbahen zgjedhje krejtësisht të reja.
Ky vendim dramatik dhe i paprecedentë vjen pikërisht në momentin që ka nisur votimi në diasporë.
“Procesi zgjedhor për zgjedhjen e Presidentit të Rumanisë do të rifillojë në tërësi, ku qeveria duhet të caktojë një datë të re për zgjedhjen e Presidentit të Rumanisë si dhe një program të ri kalendar për kryerjen e veprimeve të nevojshme”, tha gjykata në një deklaratë të premten.
Gjykata tha se vendimi për të anuluar raundin e parë ishte për shkak të çështjeve procedurale dhe deklasifikimit të raporteve sekrete nga shërbimet e inteligjencës rumune që tregonin përfshirjen ruse në ndikimin e votuesve nëpërmjet një fushate propagandistike anti-perëndimore që mbështeste Georgescu.
