Të paktën 15 oficerë policie u plagosën të premten gjatë përleshjeve të dhunshme në Torino me studentët që protestonin kundër qeverisë së ekstremit të djathtë të Italisë të udhëhequr nga kryeministri Giorgia Meloni.
Një ditë trazirash u shpalos në Torino pasi më shumë se 200 studentë dolën në rrugë për një protestë ‘Dita Jo Meloni’ kundër kryeministres italiane Giorgia Meloni.
Protestuesit depërtuan një barrikadë policie jashtë ndërtesës së prefekturës në Piazza Castello, duke u përleshur me oficerët dhe duke dëmtuar bizneset aty pranë.
Studentët hodhën një mjet të bërë vetë në drejtim të policisë, duke plagosur 15 efektivë, të cilët u trajtuan në spital.
Demonstruesit i vunë zjarrin gjithashtu një kukulle që përfaqësonte ministrin e Arsimit Giuseppe Valditara.
Studentët shfaqën pankarta në kundërshtim me politikat e qeverisë, me sloganin “Kundër qeverisë së luftës, shkurtimeve dhe reformave universitare”.
Ata shprehën gjithashtu zemërimin e tyre për konfliktin në Gaza, duke e quajtur atë “gjenocid i popullit palestinez”.
Muzeu Kombëtar i Kinemasë në Mole Antonelliana u raportua gjithashtu se ishte sulmuar nga protestuesit.
“Flamuri italian u rrëzua, disa mure u prishën dhe stafi i muzeut iu nënshtrua dhunës. Ndërsa ne respektojmë të drejtën për të dëshmuar për dhimbjen e atyre që kanë vuajtur dhe po vuajnë, ne dënojmë me vendosmëri veprime të tilla”, tha Enzo Ghigo dhe Carlo Chatrian, president dhe drejtor i Muzeut Kombëtar të Kinemasë.
Kryeministrja italiane Giorgia Meloni dënoi dhunën.
“Shpresoj që disa politikanë të ndalojnë së mbrojturi apo justifikuar këtë dhunë dhe të bashkohen, pa dykuptimësi, për të dënuar episode të tilla të rënda dhe të padenjë. Edhe sot kemi qenë dëshmitarë të skenave të papranueshme të dhunës dhe kaosit në disa sheshe, nga ngatërrestarët e zakonshëm. Disa oficerë të rendit përfunduan në urgjencë për shkak të bombave dhe përplasjeve. Solidariteti im i plotë shkon me të gjithë oficerët e plagosur. duke i uruar shërim të shpejtë”.
