Mbrojtësi i Arsenalit, Ben White do të mungojë për “disa muaj” pasi i duhet të rikuperohet nga operacioni, ka zbuluar trajneri Mikel Arteta.
Mbrojtësi 27-vjeçar ishte i pranishëm në ndeshjen e fundit të Topçinjve para garave ndërkombëtare ku barazoi 1-1 ndaj Chelsea-s.
Gjatë pushimit dy-javor, White iu nënshtrua asaj që Arsenali e quajti një “procedurë të vogël kirurgjikale” për një problem në gju, për të cilën Arteta tani ka konfirmuar se do ta mbajë atë jashtë për të ardhmen e parashikueshme.
“Ben White do të jetë jashtë për disa muaj, për fat të keq. Kanë qenë beteja të ndryshme, kurrë e njëjta gjë. Duhej të merrnim një vendim, nuk është përmirësuar në javët e fundit. Ne e dimë se Ben do të shtyjë çdo kufi, por arritëm në një pikë ku duhej të mbronim lojtarin. Ne vendosëm të bënim një operacion, ai u pajtua me këtë dhe kjo do ta mbajë jashtë për disa muaj”, tha trajneri në konferencën për shtyp para ndeshjes përpara përballjes me Nottm Forest të shtunën.
White ka qenë pothuajse gjithmonë i pranishëm në vijën e pasme të Arsenalit që nga ardhja e tij në 2021, duke humbur vetëm shtatë ndeshje në Premier League në trei sezonet e tij të para dhe duke u paraqitur në nëntë nga 11 të Arsenalit deri më tani në këtë sezon.
