Presidenti i sapozgjedhur Donald Trump kërcënoi se do të vendosë tarifa të reja gjithëpërfshirëse ndaj Kinës, Kanadasë dhe Meksikës në ditën e parë si president i SHBA-së për të goditur imigracionin e paligjshëm dhe drogën.
Trump tha se do të vendoste një taksë 25% për të gjitha produktet që hyjnë në vend nga Kanadaja dhe Meksika, dhe një tarifë shtesë prej 10% për mallrat nga Kina, si një nga veprimet e tij të para si president i SHBA.
SHBA është importuesi më i madh i mallrave në botë, me Meksikën, Kinën dhe Kanadanë si tre furnizuesit kryesorë sipas të dhënave të fundit të regjistrimit.
Rritja e tarifave rrezikojnë të rrisin çmimet për ushqime, makina dhe mallra të tjera në SHBA.
Trump i bëri këto kërcënime në një postim në faqen e tij të internetit “Truth Social”, ku ai vuri në dukje një fluks njerëzish që emigronin në SHBA, si një shpjegim për politikën e tij të re ekonomike.
“Më 20 janar, si një nga shumë urdhrat e mi të parë Ekzekutiv, unë do të nënshkruaj të gjitha dokumentet e nevojshme për të ngarkuar Meksikën dhe Kanadanë një tarifë prej 25% për TË GJITHA produktet që vijnë në Shtetet e Bashkuara dhe Kufijtë e Hapur të saj qesharak”, shkroi ai.
Trump tha se tarifat do të mbesin në fuqi deri sa “Droga, në veçanti Fentanyl dhe të gjithë të huajt ilegalë, të ndalojnë këtë pushtim të vendit tonë!”
Ai shtoi se Meksika dhe Kanadaja kishin aftësinë për të zgjidhur çështjen e “njerëzve që derdhen nëpër Meksikë dhe Kanada, duke sjellë krimin dhe drogën në nivele të paparë më parë”.
