Presidenti i SHBA-ve, Joe Biden, ka njoftuar se ka falur djalin e tij Hunter Biden.
Këtë veprim ai e ka arsyetuar duke thënë se ai po e bënte këtë tani sepse besonte se akuzat ishin “të motivuara politikisht”.
Ai tha se kushdo tjetër që ka kryer këto vepra relativisht të lehta nuk do të ishte ndjekur penalisht.
Ndërsa, Hunter Biden tha se gabimet e tij ishin shfrytëzuar për ta poshtëruar dhe turpëruar publikisht atë dhe familjen e tij, dhe ai u zotua të mos e merrte kurrë mëshirën që i ishte dhënë si e mirëqenë.
Por kundërshtarët politik e akuzuan presidentin Biden për hipokrizi, por ky i fundit u mundua të argumentonte se “asnjë person i arsyeshëm” që shikonte faktet nuk mund të arrinte ndonjë përfundim tjetër përveç se Hunter Biden u veçua vetëm sepse ishte djali i tij.
