Bashkimi Evropian ka zyrtarizuar vendimin për liberalizimin e vizave për serbët e Kosovës, me pasaporta të lëshuara nga Drejtoria Koordinuese e Ministrisë së Punëve të Brendshme e Serbisë. Këto pasaporta, të cilat nuk pranohen nga Republika e Kosovës si dokumente legjitime, tashmë do të mundësojnë udhëtimin pa viza në zonën Schengen për qytetarët serbë që jetojnë në Kosovë.
Ky vendim, i cili u nënshkrua sot nga Presidentja e Parlamentit Evropian, Roberta Metsola, dhe ministri hungarez për Çështje Evropiane, János Bóka – duke qenë se Hungaria aktualisht kryeson Këshillin e BE-së – është pritur me kritika nga autoritetet në Kosovë dhe nga opozita.
Ekspertët e çështjes dhe përfaqësues të opozitës e kanë kritikuar kryeministrin Albin Kurti për mënyrën se si ka menaxhuar marrëdhëniet me aleatët ndërkombëtarë, duke theksuar se ky vendim vjen si pasojë e përkeqësimit të marrëdhënieve me partnerët ndërkombëtarë. BE-ja, sipas tyre, ka bërë një shkelje të sovranitetit të Kosovës duke njohur dokumentet që lëshohen nga Serbia për serbët e Kosovës.
by:Storm-rks
