Tension i madh është vërejtur tek trajneri i Manchester Cityt pasi ekipi i tij nuk arriti të marr më shumë se një barazim në sfidën ndaj Brentford.
“Qytetarët” kishin kontrollin e lojës, por goli i avantazhit edhe në minutën e 66-të, me Foden që fluturimthi devijoi mjaftueshëm krosin e De Bruyne duke kaluar City-n në avantazh. Në të 78-të ishte sërish Foden që brenda në zonë përfitoi duke kompletuar “dopietën” e tij personale.
Në mënyrë të papritur, City filloi duke humbur terren dhe në minutën e 82-të, vendasin ngushtuan shifrat në 1-2.
Atëherë kur gjithçka po shkonte drejt fundit, në minutën e 92-të, Norgaard befasoi Man.City duke i rrëmbyer një pikë në limite.
Pas javës së 21-të, Man.City mbetet në vendin e 6-të në kuotën e 35 pikëve, larg zonës Champions.
Gjatë lojës janë shfaqur foto të një tensioni të madh mesh Pep Guardiolas me Gvardiol dhe Ortega.
Te Ortega dhe Gvardiol, trajneri u shfaq mjaft i inatosur, por kur u pyet nga gazetarët, ai u mundua të sheshonte krizën brenda ekipit.
“Sa mirë që luajti(Gvardiol). Luajti një ndeshje të jashtëzakonshme. Folëm për një aksion, por e njëjta gjë dhe për Ortegën. I thashë sa mirë që luajti, sa mirë i pasoi Erling, sa i impresionuar jam veçanërisht me këto dy lojtarë”, u shpreh Guardiola në përfundim të sfidës.
