Kur ka mbetur një ditë nga ngjarja kur Samsung do të prezantoj serinë e re të telefonave S25, në të njëjtën ditë po planifikohet që të lëshoj përditësimin e shumëpritur One UI 7.
Kompania ka testuar përditësimin e saj të ardhshëm të madh të softuerit për më shumë se një muaj, dhe tani ka shpallur zyrtarisht një afat kohor se kur telefonat inteligjentë Galaxy mund të presin të marrin One UI 7.
Në një njoftim për shtyp nga Samsung Korea, kompania deklaroi se One UI 7 beta ka qenë programi i saj beta më i suksesshëm deri më sot.
Përditësimi i parë beta u mbyll dy herë më shpejt se One UI 6 beta, sipas kompanisë.
Samsung gjithashtu theksoi se veçoritë e AI kanë marrë shumë vëmendje gjatë testimit dhe kompania po punon në mënyrë aktive për përmirësime bazuar në reagimet e përdoruesve.
Krahas kësaj, Samsung konfirmoi se të gjitha pajisjet e pajtueshme të serisë Galaxy S duhet të marrin përditësimin One UI 7 deri në fund të tremujorit të parë të 2025, që do të thotë se prezantimi duhet të përfundojë deri më 31 mars 2025.
Megjithatë, është interesante, njoftimi për shtyp nuk përmend Galaxy Z Fold 6 dhe Z Flip 6 të palosshëm.
Vlen të përmendet se ky afat kohor mund të zbatohet vetëm për tregun korean, por meqenëse Samsung zakonisht ndjek një orar të ngjashëm globalisht, përdoruesit në mbarë botën ka të ngjarë të presin përditësimin në të njëjtën kohë.
Pritjet janë që Samsung të konfirmojë zyrtarisht afatin kohor të saktë të lëshimit për të gjithë telefonat inteligjentë Galaxy.
