SHBA dërgon mijëra ushtarë shtesë në Lindjen e Mesme: Përgatitje për mbrojtjen e Izraelit pas përshkallëzimit të konfliktit me Hezbollahun
Storm/SHBA – Izrael: Në përgjigje të përshkallëzimit të konfliktit në Lindjen e Mesme, SHBA ka vendosur të dërgojë disa mijëra trupa shtesë në rajon, për të forcuar sigurinë dhe për t’u përgatitur për mbrojtjen e Izraelit. Ky vendim u njoftua nga Pentagoni, pas vrasjes së liderit të Hezbollahut, Hassan Nasrallah, një akt që ka thelluar tensionet mes Izraelit dhe grupit militant libanez.
Foto: Kenneth Abbate/Forca Ajrore e SHBA
Forcat shtesë përfshijnë njësitet ajrore me avionë luftarakë F-15E, F-16, A-10 dhe F-22, si dhe mbështetje logjistike. Këto njësi pritet të dyfishojnë fuqinë luftarake ajrore të SHBA në rajon.
Sekretari i Mbrojtjes, Lloyd Austin, gjithashtu ka zgjatur qëndrimin e aeroplanmbajtëses “USS Abraham Lincoln” dhe forcave të tjera të dislokuara, për të mbrojtur interesat amerikane dhe stabilitetin në rajon /
Storm-rks + mediat amerikane dhe izraelite
