Kompania Meta ka prezantuar aplikacionin e quajtur Movie Gen, i cili duke shfrytëzuar Inteligjencën Artificiale, mundëson prodhimin e videos me kualitet të lartë.
Njoftimi vjen disa muaj pasi konkurrenti OpenAI zbuloi programin Sora, që mundëson vendosjen e tekstit në video.
Movie Gen përdor tekstin për të gjeneruar automatikisht video të reja, si dhe për të modifikuar pamjet ekzistuese ose imazhet.
Neë York Times raporton se audioja e shtuar në video është gjithashtu e krijuar nga AI, duke përputhur imazhet me zhurmën e ambientit, efektet zanore dhe muzikën në sfond. Videot mund të krijohen në raporte të ndryshme pamjesh.
Përveç gjenerimit të klipeve të reja, Meta thotë se Movie Gen mund të krijojë gjithashtu video të personalizuara nga imazhet ose të marrë një video ekzistuese dhe të ndryshojë elementë të ndryshëm të saj.
Movie Gen mund të përdoret gjithashtu për të modifikuar pamjet ekzistuese dhe për të ndryshuar stilin dhe tranzicionet ose për të shtuar gjëra që nuk kanë ekzistuar më parë.
Mirëpo, shefi i produktit të Metës, Chris Cox, shkroi në Threads se kompania “[nuk është] gati ta lëshojë këtë si produkt në përdorim në çdo kohë”, pasi ka kosto dhe koha e gjenerimit është shumë e gjatë.
