Storm/Elektorale-SHBA: Donald Trump ka paralajmëruar se, nëse fiton zgjedhjet presidenciale të vitit 2024, do të ndërmarrë masa të ashpra duke arrestuar dhe ndjekur penalisht ata që ai pretendon se kanë mashtruar në zgjedhje. Në një postim në Truth Social, Trump theksoi se 2024-ta do të jetë nën mbikëqyrje profesionale dhe se pas fitores së tij, do të ketë dënime të gjata me burg për të gjithë ata që janë përfshirë në sjellje të pamoralshme dhe mashtrim zgjedhor, duke përfshirë avokatë dhe zyrtarë të korruptuar.
Dhe kjo ka shtyrë shumë ekspertë politikë dhe ligjorë të ngrejnë pyetje se pse është lëshuar një mesazh i tillë nga ana e Trump në këtë kohë aspak të favorshme, duke pasur parasysh se kjo është edhe një paralajmërim për tendencën e Trump për të ndërhyrë në drejtësi nëse do t’i fitojë zgjedhjet dhe do të bëhet president.
