Një person është gjetur i vdekur dje në Zubin Potok, ka njoftuar Policia e Kosovës.
Vdekja e tij është konfirmuar nga ekipi mjekësor, ndërsa policia në vendin e ngjarjes ka gjetur dhe konfiskuar një armë zjarri.
- Advertisement -
Policia e ka cilësuar rastin si “vdekje e dyshimtë”.
“Zubin Potok / 12.03.2025 – 07:00. Raportohet se është gjetur pa shenja jete viktima mashkull kosovar. Në vendin e ngjarjes kanë dalë njësitë përkatëse, ndërsa ekipi mjekësor ka konstatuar vdekjen e viktimës. Në vendin e ngjarjes është gjetur dhe konfiskuar një armë zjarri. Me vendim të prokurorit, trupi i pajetë dërgohet në IML për obduksion”, thuhet në raportin 24-orësh të Policisë së Kosovës.
