Partia Demokratike po mban një protestë kombëtare në atë të cilën e quan si një nisje të një vale protestash deri në arritjen e tri qëllimeve të tyre: zgjedhje të lira, qeveri teknike dhe lirimi nga burgu i Sali Berishës.
Sapo i mblodhën deputetët e opozitës dhe liderëve të partive opozitare, nisën edhe përplasjet mes protestuesve dhe policisë të vendosur në gardh para objektit të Kryeministrisë.
Ishin fillimisht deputetët e PD-së, të cilët u përplasën fizikisht me uniformat blu që përbënin kordonin te selia qeveritare.
Protestuesit kanë hedhur kapsolla dhe bomba molotovi drejt Kryeministrisë, ndërsa policia është përgjigjur me sprej lotsjellës.
Protestuesit poashtu nuk kanë lejuar një autobus që po transportonte disa qytetarë dhe disa makina të kalojnë.
Protestuesit u ndanë në disa grupe. Një pjesë janë mbledhur në selinë blu, ndërsa një pjesë tjetër para Kryeministrisë.
Ata në selinë blu kanë nisur marshimin për t’ju bashkuar grupit tjetër.
Për ruajtjen e qetësisë, janë angazhuar rreth 1200 forca policore.
