Gjiganti amerikan i teknologjisë, po përgatitet ta sjellë sistemin e ri operativ iOS 18.1, e bashkë me të edhe Apple Intelligence, por prezantimi i saj dhe shumë veçorive, do të ndodh tek në vitin 2025.
Mark Gurman i Bloomberg ka njoftuar se Apple Intelligence do të jetë në dispozicion fillimisht në iPadOS dhe kjo do të ndodhë më 28 tetor, kur sistemi operativ iOS 18.1 është vendosur të dalë.
Gurman thotë se Apple po kalon kohën e saj duke u siguruar që gabimet kryesore të eliminohen dhe se mund të mbështesë të gjithë trafikun e ri në serverët e tij cloud të AI.
Më 1 nëntor, Apple thuhet se do të nxjerrë një MacBook Pro të nivelit të ulët 14″ me çip M4, MacBook Pro të nivelit të lartë 14″ dhe 16″ me çipa M4, një Mac mini të rinovuar me çipa M4 dhe M4 Pro, një iMac të rifreskuar me një çip M4 dhe një iPad mini i rifreskuar. Njoftimi për të gjitha këto pajisje duhet të vijë në fund të tetorit.
Më pas, në gjysmën e parë të vitit 2025, Apple do të nxjerrë në treg modelet MacBook Air 13″ dhe 15″ me çipa M4, iPhone SE të ri, modele të rifreskuara 11″ dhe 13″ iPad Air me tastierë të reja Magic dhe një AirTag të përmirësuar.
