Policia në Kaçanik dje rreth orës 17:00 në rrugën “Doganaj” ka ndaluar një veturë të tipit VW Golf me targa vendore.
Gjatë kontrollimit të dokumentacionit të shoferit dhe veturës, nën ulëset e pasme policia ka gjetur tre qese najloni që përmbanin disa paketime të vogla me lëndë narkotike të llojit marihuanë, me një peshë totale prej 53.02 gramësh.
- Advertisement -
Lidhur me rastin, policia bën të ditur në komunikatë se janë njoftuar hetuesit nga Drejtoria për Hetimin e Trafikimit me Narkotikë, të cilët kanë dalë në vendin e ngjarjes për të vazhduar hetimet.
I dyshuari, një mashkull kosovar 19-vjeçar, është arrestuar dhe ndaluar për 48 orë, për procedura të mëtejshme hetimore.
