Një aksident trafiku ka ndodhur sot në fshatin Qyshk të Pejës. Zëdhënësi i Policisë së rajonit të Pejës, Fadil Gashi, tha për media se këmbësorja rreth 27 vjeçare është goditur nga një automjet.
Gashi shtoi se ajo është dërguar fillimisht në Emergjencën e Spitalit, por për shkak të gjendjes së rëndë është dërguar në QKUK.
- Advertisement -
“Aksidenti ka ndodhur rreth orës 15:45, në magjistralen Pejë – Prishtinë, afër fshatit Qyshk, ku një automjet ka goditur këmbësoren. Policia ka arritur menjëherë në vendngjarje dhe e lënduara ka marrë trajtim mjekësor në emergjencën e spitalit, por pak më parë është nisur për në QKUK. Gjendja e saj është e rëndë,” ka thënë Gashi.
