Incident në Zagreb: Autobusi kosovar mbetet i bllokuar nën nënkalim, pamjet bëhen virale

Një autobus i kompanisë kosovare “Flutura Reisen” ka ngecur nën nënkalimin më të famshëm në Zagreb në rrugën “Miramarska”.

Një autobus dykatësh katër metra i lartë ka tentuar të kalojë nën një nënkalim 3.65 metra të lartë, shkruan gazeta kroate index.hr.

“Sot një automjet me targa të Kosovës duke lëvizur drejt qendrës, ka ngecur në pjesën më të gjerë të nënkalimit, ku çatia e tij ka goditur tavanin e nënkalimit. Komunikacioni ka mundur të vazhdojë në korsinë e djathtë, të ngushtë, që kalon nën nënkalim. Sipas dëshmitarëve, drama është zgjidhur për rreth 20 minuta kur shoferi ka arritur të kthehet prapa”, raporton gazeta kroate.