Drejtoria kundër Terrorizmit e Policisë së Kosovës, në koordinim me Prokurorinë Speciale, ka zhvilluar mëngjesin e sotëm një aksion policor, që rezultoi me arrestimin e dy personave të dyshuar për nxitje të përçarjes dhe shpërndarje të propagandës dhe ideologjisë për organizata terroriste.
Dy të dyshuarit që ishin cak i shtetit, siç mëson Klankosova, janë Alban Bibaj dhe Muhamet Musliu.
Musliu, sipas të njëjtave burime, ka pasur të afërm në Siri, të cilët dyshohet se janë vrarë atje.
Një gjë e tillë pritet të konfirmohet posa të zbulohen detaje nga dosja e Prokurorisë.
Të arrestuarit, dyshohen se kanë përdorur rrjetet sociale, për shpërndarjen e propagandës dhe nxitjen e përçarjes dhe mosdurimit.
Pas pak pritet që edhe Prokuroria Speciale të dalë me një deklaratë zyrtare lidhur me rastin.
Vërejtje: Personat e përmendur në këtë artikull, sipas ligjeve të Republikës së Kosovës, konsiderohen të pafajshëm deri në vendimin e formës së prerë nga gjykata.
