Të paktën tetë persona u vranë në një shkollë në qytetin austriak të Gracit.
Disa të tjerë janë plagosur, përfshirë studentë dhe mësues, raportoi transmetuesi shtetëror ORF duke cituar shtypin lokal.
Ministria e Brendshme austriake ka konfirmuar se ka pasur disa viktima, por nuk ka zbuluar detaje të mëtejshme.
Raportohet se autori i dyshuar i krimit, i cili në këtë fazë konsiderohet student, ka vrarë veten.
Zdhënësi i Policisë së Grazit, Sabri Yorgun, tha se njësitë speciale Cobra ishin midis atyre që u dërguan në shkollën e mesme pas një telefonate të marrë në orën 10 të mëngjesit dhe se autoritetet po punonin për të krijuar një pasqyrë të përgjithshme të asaj që kishte ndodhur.
Shërbime të tjera emergjente dhe një helikopter u dërguan në vendngjarje.
Në orën 11:30 të mëngjesit, policia shkroi në rrjetin social X se shkolla ishte evakuuar dhe të gjithë ishin dërguar në një pikë takimi të sigurt.
Ata shkruan se situata ishte “e sigurt” dhe nuk besohet të ketë më ndonjë rrezik.
