Gjatë qëndrimit në Shtetet e Bashkuara të Amerikës, kreu i AAK-së, Ramush Haradinaj, ka njoftuar se është takuar me kongresmenin e njohur amerikan, Ritchie Torres.
“Kongresistin, z. Ritchie Torres e njoftova për zhvillimet ne Kosovë dhe njëherit kërkova që në Kongresin Amerikan të shtrohet tema e anëtarësimit të shpejtë të Kosovës në NATO. Po ashtu, theksova se është me rëndësi të veçantë forcimi i marrëdhënieve bilaterale Kosovë-Amerikë. Partneriteti strategjik me ShBA-të është garancë për arritjen e çdo suksesi të Kosovës. Do të punojmë pandalur që të zhvillohet e forcohet çdo ditë!”, ka shkruar Haradinaj.
