Policia e Kosovës ka raportuar për pesë raste të dhunës në familje brenda një dite në Prishtinë, Gjakovë dhe Malishevë.
Në Prishtinë është arrestuar e dyshuara kosovare për shkak se e njëjta dyshohet se ka shkaktuar dhunë psikike ndaj anëtarëve të familjes së saj.
Policia ka njoftuar se pas inicimit të rastit e dyshuara në konsultim me prokurorin është liruar në procedurë të rregullt.
Në Gjakovë është arrestuar një i dyshuar për shkak se i njëjti dyshohet se në gjendje të dehur i ka shkaktuar dhunë psikike dhe fizike 3 viktimave femra kosovare. Pas inicimit të rastit i dyshuari me vendim të prokurorit është dërguar në mbajtje, njofton policia
Po ashtu, në Gjakovë është arrestuar e dyshuara për shkak se e njëjta dyshohet se kishte rrahur një grua tjetër. Pas inicimit të rastit, sipas policisë e dyshuara në konsultim me prokurorin është liruar në procedurë të rregullt.
Në Malishevë është arrestuar i dyshuari kosovar për shkak se i njëjti dyshohet se kishte shkaktuar dhunë psikike dhe fizike ndaj një gruaje.
Viktima, sipas policisë, ka pranuar trajtim mjekësor, ndërsa i dyshuari pas inicimit të rastit me vendim të prokurorit është dërguar në mbajtje.
Gjithashtu, në Gjakovë është arrestuar e dyshuara grua e cila pas një mosmarrëveshje kishte ushtruar dhunë psikike dhe fizike ndaj një gruaje tjetër. Si pasojë e dhunës viktima ka pranuar tretman mjekësor dhe me urdhër të prokurorit e dyshuara pas intervistimit është liruar në procedurë të rregullt.
