Tragjedi në Itali: Rënia e një 13-vjeçareje shqiptare hetohet si rast i dyshimtë
storm•/e Dyshimt: Rënia fatale e një 13-vjeçareje shqiptare nga një pallat shtatëkatësh në Itali po trajtohet nga autoritetet si një rast i dyshimtë, duke përjashtuar mundësinë e një aksidenti. Policia ka nisur hetimet për të zbuluar rrethanat e ngjarjes dhe ka intervistuar disa të rinj, përfshirë një 15-vjeçar shqiptar që ishte në vendin e ngjarjes. Ky adoleshent është marrë në pyetje dhe më pas është lënë i lirë.
Mediat italiane spekulojnë për një lidhje të mundshme romantike, të cilën vajza mund të ketë dashur të përfundojë. Ndërkohë, trupi i saj është dërguar për autopsi në Institutin e Mjekësisë Ligjore në Pavia, me rezultatet që priten në ditët në vijim. Sipas dëshmive, miqtë e saj pohojnë se ajo nuk shfaqte shenja shqetësuese dhe po planifikonte një udhëtim në Paris me nënën e saj.
Dëshmia e motrës së viktimës
Motra 22-vjeçare e vajzës së ndjerë shprehet se 15-vjeçari ishte “i fiksuar” pas saj dhe e akuzon atë për sjellje që mund ta kenë çuar motrën në këtë ngjarje tragjike. Ajo ka publikuar biseda mes tyre, ku evidentohen sjellje të konsideruara problematike nga ana e të dashurit të saj.
