Policia e Kosovës, nëpërmjet raportit të saj të përditshëm 24-orësh, ka njoftuar se gjatë kësaj kohe, në rajonin e Prishtinës janë raportuar katër raste të dhunës në familje. Të njëjtat, është njoftuar se kanë ndodhur në Prishtinë dhe Podujevë.
Po ashtu, në raport shtohet edhe se si shkak i këtyre rasteve ka pasur disa të arrestuar, nga të cilët tre janë dërguar në mbajtje, kurse një është liruar në procedurë të rregullt.
Raporti:
DHUNË NË FAMILJE
Prishtinë 24.09.2025 – 17:00-19:40. Është arrestuar i dyshuari mashkull kosovar, pasi që i njëjti ka ushtruar dhunë ndaj viktimës femër kosovare me të cilën bashkëjeton. Me vendim të prokurorit i dyshuari pas intervistimit është dërguar në mbajtje.
Prishtinë 24.09.2025 – 02:30. Është arrestuar i dyshuari mashkull kosovar, pasi që i njëjti pas një mosmarrëveshje është përleshur me bashkëshorten e tij. I dyshuari dhe viktima ka pranuar tretman mjekësor. Me vendim të prokurorit pas intervistimit i dyshuari lirohet në procedurë të rregullt.
Prishtinë 24.09.2025 – 08:32. Është arrestuar i dyshuari mashkull kosovar, pasi që i njëjti pas një mosmarrëveshje ka sulmuar fizikisht bashkëshorten e tij. Viktima ka pranuar tretman mjekësor, ndërsa i dyshuari me vendim të prokurorit është dërguar në mbajtje.
Podujevë 24.09.2025 – 13:30. Është arrestuar i dyshuari mashkull kosovar, pasi ai ka sulmuar fizikisht nënën e tij. Me vendim të prokurorit i dyshuari është dërguar në mbajtje.
