Policia e Kosovës ka nisur hetimet rreth zjarrit që ka përfshirë një kompani në Ferizaj.
Sipas policisë, objekti është përfshirë nga flakët në rrugën magjistrale Ferizaj-Kaçanik në afërsi të udhëkryqit me rrugën “Driton Islami” në Ferizaj.
- Advertisement -
Zëdhënësi i policisë për rajonin e Ferizajt, Kanun Veseli, ka bërë të ditur se nga kjo ngjarje nuk ka të lënduar.
“Sot, rreth orës 09:15 kemi pranuar një informatë për një incident zjarri që ka përshi një kompani në rrugën magjistrale Ferizaj-Kaçanik në afërsi të udhëkryqit me rrugën “Driton Islami” në Ferizaj. Janë njoftuar edhe zjarrfikësit të cilët kanë dalë në vendin e ngjarjes. Gjithashtu në vendin e ngjarjes kanë dalë edhe njësitet e policisë”, ka thënë Veseli.
