Apple bashkë me iPhone 14 ka lëshuar në përdorim sistemin e thirrjes emergjente edhe në ato vende ku nuk ka valë, duke përdorur infrastrukturën e ofruesit të shërbimeve satelitore me bazë në SHBA, GlobalStar.
Tash Apple ka zotuar 1.1 miliardë dollarë në një marrëveshje të re me Globalstar për të zgjeruar kapacitetin e infrastrukturës satelitore të këtij të fundit.
Përveç kësaj, Apple tani zotëron 20% të aksioneve të Globalstar, nëpërmjet një marrëveshje kapitali me vlerë 400 milionë dollarësh.
Këto investime pritet të ndihmojnë në rritjen e konsiderueshme të kapacitetit të Globalstar për të trajtuar kërkesat e mesazheve satelitore nga përdoruesit e iPhone.
Emergjenca SOS e Apple përmes shërbimit satelitor, fillimisht premtoi dy vjet shërbim falas, i cili më vonë u zgjerua për të mbuluar një vit tjetër.
Kjo do të thotë që përdoruesit e parë të iPhone 14 do të kenë mbështetje deri në nëntor 2025.
Me iOS 18, Apple njoftoi mesazhe satelitore të dyanshme përmes satelitit kur nuk është mbulim celular.
Ky funksion është i disponueshëm në iPhone 14 dhe pajisjet më të reja në operatorët e mbështetur në Shtetet e Bashkuara dhe Kanada.
Por, ende nuk është e qartë nëse Apple do të fillojë të tarifojë përdoruesit e serisë iPhone 14 për akses në mesazhet satelitore pas skadimit të periudhës falas vitin e ardhshëm.
