Amerika rikthen në fronin e saj ish-presidentin republikan, Donald Trump.
Ai ka fituar 277 vende nga 270 sa ishin të mjaftueshme që ai të fitonte.
“Nuk ka pasur kurrë diçka të tillë në këtë vend dhe ndoshta më gjerë. Ne do të ndihmojmë vendin tonë të shërohet dhe ka nevojë shumë për ndihmë. Ne do të rregullojmë kufijtë tanë … të rregullojmë gjithçka për vendin tonë”, tha kandidati republikan në një festë të gëzueshme të fitores në Qendrën e Konventave të Qarkut Palm Beach jo shumë larg vendpushimit të tij Mar-a-Lago.
Fitorja e ish-presidentit ishte kulmi i një nate të madhe zgjedhore për republikanët, të cilët gjithashtu parashikohej të rifitonin kontrollin e Senatit pas katër vitesh në pakicë.
“Unë do të luftoj për ty, për familjen dhe të ardhmen tënde – çdo ditë”, u zotua Trump.
“Do të luftoj për ty me çdo frymëmarrje në trupin tim. Unë nuk do të pushoj derisa të kemi çliruar Amerikën e fortë, të sigurt dhe të begatë që fëmijët tanë meritojnë dhe që ju meritoni. Kjo do të jetë vërtet epoka e artë e Amerikës”, tha Trump.
