Një ngjarje e rëndë ka tronditur diasporën kosovare në Austri dhe mbarë opinionin publik. Katër punëtorë ndërtimi, në mesin e të cilëve tre shtetas nga Kosova — Pajtim Bajrami, Istref Zekaj dhe Asllan Musliu — kanë humbur jetën tragjikisht gjatë procesit të punës në Vjenë.
Tragjedia ndodhi në një kantier ndërtimi në rrugën “Porzellangasse”, në momentin kur po bëhej vendosja e betonit. Skelat, mbi të cilat ishin vendosur punëtorët, nuk kanë përballuar peshën ose presionin, duke u shembur plotësisht dhe duke i zënë ata poshtë tonelatave të materialit.
dëshmia kyçe: operatori i vinçit dhe “kova e betonit”
Autoritetet austriake kanë nisur një hetim intensiv për të zbardhur shkaqet e sakta të shembjes. Burimi kryesor i informacionit pritet të jetë operatori i vinçit, i cili ishte dëshmitar okular i çdo sekonde të tmerrit.
-
Roli i tij: Megjithëse i tronditur, ai ndihmoi ekipet emergjente për të larguar peshat e rënda që bllokonin trupat.
- Advertisement - -
Pikëpyetja e hetimit: Ekspertët po shqyrtojnë nëse kova e betonit goditi aksidentalisht strukturën e skelave apo nëse vetë skelat ishin të montuara jashtë standardeve të sigurisë.
-
Dëshmitarët e tjerë: Punëtorë të tjerë të intervistuar nga Krone.at deklaruan se viktimat ishin ulur në skela pak çaste para se gjithçka të kthehej në rrënojë.
Derisa familjet presin përgjigje, kompania përgjegjëse për ndërtimin po përballet me kritika të ashpra për sjelljen e saj pas aksidentit. Vetëm pak minuta pas tragjedisë, kompania ka tentuar të “pastrojë” imazhin e saj online:
-
Hoqi faqen: Zhduku të gjitha lidhjet që çonin te kantieri në Porzellangasse.
-
Ironicia e rrjeteve sociale: Gazeta “Krone” arriti të kapte një postim në Instagram para se të fshihej, ku shihej kantieri me mbishkrimin: “Mund të ngremë kantiere ndërtimi!”.
-
Reagimi zyrtar: Pasi u kontaktuan, drejtuesit u mjaftuan me një deklaratë për “pikëllim të thellë”.
