Në vazhdimin e dhënies së mbrojtjes para trupit gjykues, i akuzuari Naim Murseli ka deklaruar se armën me të cilën dyshohet se u vra Liridona Ademaj, ia kishte blerë Granit Plavës me qëllim përfitimi.
Sipas dëshmisë së Murselit, ai pranoi se e kishte dërguar Plavën pranë shtëpisë së tij dhe se pagesën për armën e kishte bërë pasi i akuzuari tjetër i kishte premtuar se do ta shiste dyfishin e çmimit të nesërmen. “U morëm vesh me m’i kthy paratë”, ka deklaruar ai para gjyqtarit Gent Beka.
Rrethanat në vendin e ngjarjes Lidhur me momentin kritik të vrasjes, Murseli pohoi se kishte dalë vetë nga vetura dhe se kjo nuk kishte qenë kërkesë e personit që po kryente grabitjen. I pyetur se përse nuk e nisi veturën me vrull për t’u larguar, ai u përgjigj se në atë moment nuk i ishte kujtuar një veprim i tillë.
-
Takimet me Plavën: Murseli pranoi se shoqërimi i tij me Granit Plavën kishte zgjatur rreth katër orë në total para se t’i tregonte vendndodhjen e shtëpisë së tij.
- Advertisement - -
Mbrojtja e privatësisë: Avokati i familjes Ademaj, Leutrim Syla, ka kërkuar zyrtarisht që pamjet e rënda nga vendi i ngjarjes të mos publikohen në media, për të mbrojtur fëmijët e të ndjerës nga traumatizimi.
Trupi gjykues, i kryesuar nga Fatime Dermaku, vazhdoi me ballafaqimin e provave dhe dëshmive, duke u fokusuar në detajet e stolive që viktima mbante në momentin e vrasjes.
