Ministri i Mbrojtjes i Kosovës, Ejup Maqedonci, ka komentuar raportimet e mediave e ditëve të kaluara për mungesë të ushqimit për Forcën e Sigurisë së Kosovës (FSK).

Maqedonci i ka cilësuar këto lajme si “të pavërteta” dhe të nxitura nga forca të jashtme dhe të brendshme që, sipas tij, synojnë të krijojnë pasiguri dhe të destabilizojnë sigurinë e vendit.

“Lajmet më të vërtetët kanë qenë një gjë e pahijshme. Veçanërisht kur kemi parasysh faktin se për asnjë moment, asnjë ushtar i FSK-së nuk ka mbetur pa bukë, ashtu siç është prezantuar shpesh në media. Dhe po vazhdon të prezantohet herë pas here. Mendoj që ka qenë më shumë një histeri kolektive, që ka kapluar jo vetëm mediat por edhe njerëzit tjerë. Që ka mundur të shtyhet edhe faktorë të brendshëm dhe jashtëm, që jo detyrimisht po ia duan të mirën vendin tonë dhe FSK-së”, ka thënë Maqedonci në Debat Plus.

Ministri sugjeroi se disa prej këtyre raportimeve mund të jenë nxitur nga individë që mbajnë lidhje me shërbime të huaja dhe kanë synim të cenojnë interesat e Kosovës.

“Brenda vendit mund të kemi ende faktorë që kanë lidhjet e tyre jashtë Kosovës. Më saktësisht kemi pasur raste kur janë identifikuar edhe persona të cilët vazhdojnë të punojnë edhe për shërbime të huaja. Dhe ato dashakeqe për vendin tonë . Është ushqyer si lajm nga shërbimet dashakeqëse, është rritur, formësuar në mënyrë të  krijojë pasiguri. Pa u marrë parasysh deklaratat zyrtare, të cilat janë nga i gjithë stafi i ministrisë”, ka shtuar ministri Maqedonci.

Kandidati për kryeministër i Partisë Demokratike të Kosovës (PDK), Bedri Hamza, ka folur, për fitoren e republikanit Donald Trump, në zgjedhjet parlamentare amerikane.

Ai ka thënë se është jetike për Kosovën që t’i kultivojë raportet me Shtetet e Bashkuara të Amerikës.

Për këtë, Bedri Hamza thotë se raportet duhet të ngritën sa më lartë.

Në këtë mënyrë, Hamza thotë se Kosova do të përfitojë në të gjitha aspektet, politikisht, ekonomikisht e në rrafshin diplomatik.

Hamza ka thënë se Kosova do të vazhdojë bashkëpunimin me administratën Trump, i cili në janar të vitit të ardhshëm zyrtarisht e merr mandatin.

“Për ne në Kosovë është e rëndësishme që të vazhdojmë t’i kultivojmë raportet jashtëzakonshme të mira, korrekte, të afërta, edhe si miq edhe si partner me SHBA-të. Kjo është ka qenë, dhe do të jetë jetike për shtetin e Kosovës dhe qytetaret e saj”, tha ai.

“Raportet duhet të kultivohen e të ngritën në nivele sa më të larta dhe prej kësaj miqësie  dhe partneriteti strategjik të fitojë Kosova edhe në aspektin politik, ekonomik, edhe në aspektin diplomatik në favor të shtetit të Kosovës”, ka thënë ai në Pressing.

“Jam i bindur që do të vazhdojë bashkëpunimi i Kosovës me administratën Trump”, ka thënë mes tjerash Hamza.

***

Kritika ndaj motos “Mundet ma mirë” të Bedri Hamzës: A Reflekton Nevojën për T’u Ndryshuar Qeveria e Kosovës?

“Gjatë rrugëtimit tim kam përmirësuar veten. Kështu mund ta përmirësoj edhe Kosovën,” tha në Pressing, Bedri Hamza, kandidati zyrtar i Partisë Demokratike të Kosovës për Kryeministër. Hamza ka marrë shumë kritika për moton elektorale “Mundet më mirë,” një moto që nuk e reflekton një agjendë të një partie opozitare që po synon seriozisht të marrë udhëheqjen e qeverisë së Kosovës!

Bedri Hamza, kandidati për Kryeministër i Partisë Demokratike të Kosovës, ka zgjedhur një moto elektorale, “Mundet ma mirë,” e cila ka shkaktuar kritika për mungesë të qartësisë dhe theksit në një agjendë të fuqishme opozitare. Një moto e tillë mund të shihet si e paqartë dhe e pamjaftueshme për një parti që synon seriozisht të marrë drejtimin e qeverisë, duke e bërë më të vështirë për votuesit të kuptojnë se çfarë është plani i partisë për përmirësimin e situatës në Kosovë. Në vend që të ofronte një vizion të qartë për të ardhmen, kjo moto duket më shumë si një mesazh optimist, por pa angazhime konkrete për ndryshimin e thellë që shumë ekspert e shohin si të nevojshëm.

Lidhja Demokratike e Kosovës (LDK), ka nisur Turneun e Ndryshimit në Prishtinë e që do të vazhdojë edhe në 10 qytete tjera të Kosovës si dhe në diasporë.

Kreu i LDK-së, Lumir Abdxhiku, tha se ky turne e këto tubime, nuk janë vetëm manifestim i fuqisë elektorale të LDK-së, por edhe thirrje e afrimit e përbashkimit me secilin qytetarë të Republikës së Kosovës.

“Më e madhe është kjo kënaqësi, kur takohemi kështu, kaq shumë, në një vend, si vulë e momentumit tonë të mirë, si një frymë e pandalshme për ndryshim! Sepse, LDK është e popullit. Sepse LDK i takon qytetarëve të Kosovës”, tha Abdixhiku para anëtarëve të 5 degëve të Prishtinës.

Ai tha se sa herë që gjërat shkojnë keq e mbrapshtë, qytetarët kanë një adresë të vetme për të zgjidhur këto probleme.

“Kanë një shtëpi dhe një shtëpi të vetme, kanë Lidhjen Demokratike të Kosovës – shpresën e parë dhe të fundit të Republikës së Kosovës. Këtë LDK, që e kërkojnë tash e sa kohë, tashmë e kanë. Këtë LDK, që kërkon, përbashkon, që ngritet mbi çdo sfidë, tashmë e kanë”, tha Abdixhiku.

Abdixhiku tha se LDK si lëvizja më e madhe historike shqiptare, e ka për obligim të shtrijë dorën e përbashkimit me njerëzit e Kosovës.

“Kur LDK ngritët në këmbë bashkë, s’ka asgjë që e ndanë, s’ka asgjë që e ndalë! Kjo rrugë s’bëhet pa ne! Këtë rrugë na takon ta bëjmë ne”, tha Abdixhiku.