Mediat amerikane kanë dhënë detaje për një aksion tjetër të përbashkët të policisë amerikanë me atë të Kosovës.
Këtë herë për arrestimin e një personi me emrin Ahmet Gashi, i cili dyshohet të ketë vrarë në vitin 2006, boksierin shqiptar nga Mali i Zi, Kemal Kolenoviç.
Sipas mediave amerikane, Gashi i kishte ikur drejtësisë për gati 18 vjet.
Zyra e prokurorit të qarkut të Bronx-it lëshoi një urdhër arresti ndërkombëtar “të kuq” për Ahmet Gashin pasi ai u identifikua se jetonte në Kosovë dhe marshallët amerikanë u dërguan për të bashkuar forcat me policinë në Kosovë për të kapur vrasësin e dyshuar të Kolenoviçit.
Gashi mbërriti në Nju Jork të premten në mëngjes dhe u akuzua për vrasje.
I dyshuari nuk iu përgjigj pyetjeve ndërsa policia e shoqëroi atë nga stacioni i 50-të të Bronx.
Duke folur pas incidentit brutal, xhaxhai i viktimës i tha Daily Neës se i dyshuari kishte debatuar me një grup burrash kur nipi i tij ofroi të blinte pije në përpjekje për të lehtësuar tensionet në Belmont.
“Nipi im donte t’u blinte një pije për t’i mbajtur ata të mos luftonin”, tha Tony Mujovit. “Ai nuk ka qenë kurrë pjesë e luftës. Ai u vra për asgjë”.
Kolenoviç u bashkua me xhaxhain e tij në bar për të shijuar pijet dhe muzikën shqiptare kur disa burra që diskutonin për vendlindjen e tyre në Shqipëri filluan të debatonin.
Kolenoviç, i cili ishte me origjinë shqiptare, por emigroi nga Mali i Zi, veproi si paqebërës, ndërsa burrat filluan të shtynin njëri-tjetrin, tha xhaxhai i tij.
I dyshuari, të cilin policia në atë kohë e përshkroi si një djalë të ri me kokë të rruar u largua.
“Ai u kthye pas me një SUV me ngjyrë të errët, duke goditur Kolenoviqin në trotuar ndërsa i ishte me shpinë të kthyer”, tha Mujovit.
Mjekët e dërguan Kolenoviçin në spitalin e Shën Barnabas ku ai vdiq.
Kolenoviç mbajti titullin e boksit në peshën e lehtë të shtetit të Nju Jorkut. Ai kishte një rekord prej 10 fitoresh – pesë me nokaut – gjashtë humbje dhe dy barazime.
Në luftën e tij të fundit, të zhvilluar dy javë para vrasjes, Kolenoviç shënoi një nokaut në rundin e parë ndaj Ronnie Glover.
“Ai ishte një nga fëmijët më të fortë që kam stërvitur ndonjëherë”, tha trajneri i tij Raymond Paolillo në atë kohë. “Ai nuk do të tërhiqej kurrë nga boksi”.
