spot_img
E diel, 28 Dhjetor, 2025
20:31
Home Blog Page 1668

Sipas Ministrisë libaneze, mbi 3.000 të vrarë në Liban gjatë 1 viti lufte mes Izraelit dhe Hezbollahut

STORM
-
0
Sipas Ministrisë libaneze, mbi 3.000 të vrarë në Liban gjatë 1 viti lufte mes Izraelit dhe Hezbollahut

Më shumë se 3.000 njerëz janë vrarë në Liban gjatë luftës 13-mujore mes Izraelit dhe Hezbollahut, ka thënë të hënën Ministria e Shëndetësisë e Libanit, dy herë më shumë se numri i njerëzve të vrarë prej luftës së fundit të madhe mes tyre dy dekada më parë.

Nuk ka ndonjë shenjë se kjo luftë është drejt përfundimit, pasi Izraeli ka theksuar se po kryen operacione të reja që kanë në shënjestër infrastrukturën e Hezbollahut në të gjithë Libanin dhe në disa pjesë të Sirisë.

Në anën tjetër, Hezbollahu po vazhdon të hedhë dhjetëra raketa në veri të Izraelit.

Hezbollahu, i cili e kontrollon Libanin jugor, është shpallur organizatë terroriste nga Shtetet e Bashkuara, ndërsa Bashkimi Evropian e ka vendosur në listën e zezë krahun e tij të armatosur, por jo edhe partinë e tij politike.

Hezbollahu ka hedhur raketa drejt Izraelit verior një ditë pas sulmit befasues të Hamasit në Izrael më 7 tetor, i cili edhe e nxiti luftën në Rripin e Gazës. Hezbollahu dhe Izraeli janë të lidhura me Iranin.

Edhe Hamasi është organizatë e shpallur terroriste nga SHBA-ja dhe BE-ja.

Për gati një vit, konflikti u zhvillua kryesisht në pjesët përreth kufizimit mes Izraelit dhe Libanit.

Megjithatë, lufta u përshkallëzua ndjeshëm më 23 shtator, kur Izraeli kreu sulme të mëdha ajrore në jug dhe lindje të Libanit, si dhe në periferitë jugore të Bejrutit, duke lënë qindra të vdekur dhe duke detyruar afër 1.2 milion njerëz të zhvendosen.

Izraeli e nisi pushtimin tokësor në jug të Libanit më 1 tetor, duke shkaktuar rrënim të madh në fshatrat kufitare, por pa arritur shumë përparime tokësore brenda Libanit.

Izraeli thotë se po shkatërron armët dhe qendrat e komandës së Hezbollahut pranë kufirit, përfshirë një sistem të gjerë tunelesh të ndërtuar nga Hezbollahu.

Ministria e Shëndetësisë e Libanit tha se 16 persona u vranë dhe 90 të tjerë u plagosën në sulmet e së dielës, duke e çuar numrin e përgjithshëm të të vdekurve në 3.002.

Të paktën 13.492 të tjerë janë plagosur, sipas saj.

Ministria nuk bën dallim mes civilëve dhe luftëtarëve të Hezbollahut kur llogarit numrin e viktimave.

Izraeli pretendon se qindra luftëtarë të Hezbollahut janë vrarë.

Në Izrael, 72 persona janë vrarë nga sulmet e Hezbollahut, përfshirë 30 ushtarë, sipas zyrës së kryeministrit.

Më shumë se 60.000 njerëz janë zhvendosur nga shtëpitë e tyre. /REL

Pse Britania po kërkon negociata të reja me BE-në?

STORM
-
0
Pse Britania po kërkon negociata të reja me BE-në?

Britania do të kërkojë një rinegocim thelbësor të marrëveshjes së saj të Brexit me Brukselin në një përpjekje për të trajtuar krizën e emigracionit, ka thënë kryeministri britanik Keir Starmer.

Kryeministri dëshiron të rivendosë aftësinë e Mbretërisë së Bashkuar për të udhëhequr hetimet për trafikimin e njerëzve dhe krime të tjera.

Ai hap perspektivën e një ndryshimi të madh në marrëdhëniet e Britanisë me bllokun dhe do të nxisë pyetje rreth asaj se çfarë mund të kërkojë Brukseli në këmbim.

Për herë të parë, Starmer zbuloi qëllimin e synimeve të tij për të siguruar një “pakt të ri sigurie” me Brukselin, pesë vjet pasi marrëveshja historike e tërheqjes së BE-së u arrit gjatë mandatit të kryeministrit të Boris Johnson.

Gjatë një vizite në një konferencë të Interpolit në Glasgow sot, Starmer tha: “Unë mendoj se kur bëhet fjalë për sigurinë, ne mund të bëjmë më mirë se sa kemi bërë, dhe kjo është ajo që ne po ndjekim.

Kryeministri këmbënguli se qeveria e tij do të ruajë “vijat e kuqe” në çdo rinegocim me Brukselin.

“Ne nuk do të kthehemi, nuk do t’i bashkohemi tregut të vetëm, bashkimit doganor, nuk do të kemi lirinë e lëvizjes,” tha ai.

“Por unë jam absolutisht i qartë se kur bëhet fjalë për krimin ndërkufitar, veçanërisht për kontrabandën e njerëzve, sa më shumë të mund të ndajmë, aq më mirë, sa më shumë të punojmë së bashku, aq më mirë.”

Kurti në Forumin Ekonomik të Vjenës flet për rritjen e investimeve

STORM
-
0
Kurti në Forumin Ekonomik të Vjenës flet për rritjen e investimeve

Kryeministri i Kosovës, Albin Kurti, ka marrë pjesë në edicionin e 21-të të Forumit Ekonomik të Vjenës.

Kurti gjatë fjalimit të tij, të cilin e transmetoi zyra e kryeministrit, ka thënë se nga viti 2008 e deri në 2020 mesatarja e rritjes së GDP ka qenë 3.65%.

Ndërkaq, në periudhën 2021-2023, pra duke iu referuar Qeverisë së tij, thotë se kjo shifër ka shkuar në 6.2%.

Ai ka folur edhe për rritjen e investimeve, si dhe thotë se kanë dyfishuar eksportet. Ndër tjerash ai foli edhe për uljen e papunësisë dhe krijimin e vendeve të reja të punës.

“Rritja vjetore ekonomike për periudhën 2008-2020 mesatarisht ka qenë 3.65% e PBB-së ndërsa për periudhën 2021-2023 rritja ekonomike vjetore ka qenë mesatarisht 6.2% e PBB-së. Kjo do të thotë se në tre vitet e fundit kemi trefishuar rritjen e PBB-së – në krahasim me vitin e parë para pandemisë, ekonomia e Kosovës 2019 u rrit për gati 50%. Dyfishuam eksportet dhe investimet e huaja direkte; ne shtuam 24% vende të reja pune në krahasim me atë që gjetëm kur mora detyrën në 2020 dhe si rezultat papunësia ra nga pothuajse 26% në rreth 10%. Për ne rritja ekonomike do të thotë mirëqenie sociale. Rritja nuk duhet të frenohet për shtetin, por duhet të shpërndahet në shoqëri dhe të krijojë mundësi të barabarta për të gjithë. Çdo 8 euro e ekonomisë sonë në rritje, e cila u arrit pavarësisht krizës së shumëfishtë, u rishpërnda për ata më të cenuarit që po luftonin me krizën ekonomike – qytetarët dhe bizneset e vogla. Kjo na bëri qeverinë me paketën më të madhe të mbështetjes në rajon (në raport me GDP), siç konfirmohet nga Banka Botërore”, ka thënë Kurti, ndër tjerash.

Kryeministri i Kosovës, ka folur edhe për Marrëveshjen e CEFTA.

“Tregu i Përbashkët Rajonal dhe CEFTA janë vetëm ura, por ne duhet të ndërtojmë më tej mbi to. Ne aspirojmë ta përmirësojmë këtë bashkëpunim rajonal në mënyra që adresojnë sfidat e vjetra dhe ato në zhvillim. Vendi im, si shumë vende, ka ndjerë ndikimet e pasigurive ekonomike globale dhe ndërprerjet e zinxhirit të furnizimit, veçanërisht në vitet e fundit”, ka thënë Kurti.

Athina i reagon Ramës: Integrimi për në BE, kalon përmes Greqisë

STORM
-
0
Athina i reagon Ramës: Integrimi për në BE, kalon përmes Greqisë

Deklarata e Kryeministrit Edi Rama të dielën në takimin me emigrantët shqiptarë në Selanik duket se “Epiri i Veriut” është një term i vdekur dhe ka vdekur bashkë me çdo ëndërr të njerëzve që përpiqen ta ngjallin”, duket se ka shqetësuar Athinën zyrtare.

Zëdhënësi i qeverisë greke Pavlos Marinakis në një konferencë për shtyp këtë të hënë tha se Vorio Epiri mundet të mos ekzistojë, por ekziston minoriteti grek në Shqipëri, të drejtat e të cilit, ai nënvizoi se Athina i konsideron si kusht për integrimin e Shqipërisë në BE.

“Respektimi i këtyre të drejtave dhe në përgjithësi respektimi i minoritetit kombëtar grek është një kusht thelbësor për integrimin e Shqipërisë në Bashkimin Evropian, ashtu siç e theksuan njëzëri 27 vendet e BE në mbledhjen e ministrave të jashtëm. Me pak fjalë, rruga e Shqipërisë për në Evropë kalon nga Athina, kalon nga Greqia dhe ka një parakusht të cilin askush nuk mund ta anashkalojë që është respektimi i minoritetit kombëtar grek në Shqipëri”.

Të njëjtin qëndrim kanë mbajtur edhe deputetët e mazhorancës dhe ata të opozitës greke duke i cilësuar provokime qëndrimet e Ramës në Selanik.

“Këtë sjellje provokuese nuk mund ta anashkalojmë pasi ai e thotë diçka të tillë në brenda tokës Helene. Atëherë është e qartë se zoti Rama dëshiron të provokojë dhe ne duhet të përgjigjemi. Për ne, termi Vorio Epir është në shpirtrat tanë, në zemrën tonë dhe nëse zoti Rama thotë se është i vdekur, kjo do të thotë që e shqetëson, sepse e di që ato territore janë Vorio Epiri”, tha Thanos Plevris, deputet i “Nea Demokratia”.

“Zoti Rama duhet të bëhet i vetëdijshëm që rruga e e Shqipërisë drejt integrimit në BE kalon nëpërmjet respektimit të të drejtave të minoritetit grek në Epirin e Veriut”, deklaroi Giannis Sarakiotis – deputet i “Syriza”.

Mediat greke shkruan se komentet e kryeministrit Rama për Vorio Epirin erdhën pas një proteste që disa ekstremistë të djathtë mbajtën kundër vizitës së tij në Selanik.

Rama i quajti ata fantazma të së shkuarës që nuk ndihmojnë marrëdhëniet mes dy vendeve.

Gazeta greke “Protothema” shkruan se ekstremistët grekë që protestuan, e akuzuan Kryeministrin Rama se “shteti shqiptar po shkel sistematikisht të drejtat e njeriut të minoritetit të njohur grek të Vorio-Epirit”, duke shprehur kështu qëndrim të njëjtë me Athinën zyrtare.

A është kryeministri Kurti antiamerikan?

STORM
-
0
A është kryeministri Kurti antiamerikan?

Prof. Zenun Halili në Podcast-in #KushKaTeDrejt të storm•:

“Unë nuk dua të besoj se Kryeministri Kurti është antiamerikan. Përkundrazi, Amerika ka qenë hisetare në krijimin e Kosovës që njohim sot, dhe kjo miqësi nuk duhet të vihet në rrezik nga askush!”

🎧 Ndiqeni bisedën e plotë për të kuptuar perspektivën e Prof. Halilit mbi marrëdhëniet SHBA-Kosovë dhe sfidat e reja politike.

Azemi ironizon me Albën pasi tha se nuk është në lidhje dashurie

STORM
-
0
Azemi ironizon me Albën pasi tha se nuk është në lidhje dashurie

Azem Gagica dhe Alba Vukaj kanë qenë ndër banorët më të përfolur të edicionit të kaluar të Big Brother Vip Kosova.

Së fundmi, ka qenë Alba ajo e cila është zotuar se në momentin që ka diçka të re në jetën e saj private do ta bëj vetë publike.

E me këtë deklaratë të saj ka ironizuar Azemi, djali që dikur bëri kaq shumë brenda e jashtë shtëpisë së Big Brother Vip Kosova, për të fituar zemrën e saj.

Megjithatë, çdo tentativë e tij shkoi huq.

“Mos e keqkuptoni se nuk jam duke u martu kur te kam dike ne jete do ju them .. ju dua”, ka shkruar Gagica në llogarinë e tij në Instagram.

Reagimi i tij vjen pasi Alba Vukaj reagoi përmes një postimi në Instagram ndaj thashethemeve që e lidhin me biznesmenin Urim Destani.

Ajo e ka bërë të qartë se nuk ka asgjë të re në jetën e saj përveç punës.

“Besoj se e keni kuptu që nuk ka gjë të re në jetën time përveç punës. Ju premtoj që në momentin që të konsideroj dikë më shumë se veç ‘shok’… do ta bëj publike vetë,” ka shkruar Alba, duke shtuar se në këtë moment po fokusohet te puna dhe jeta e saj personale.

 

Policia arreston ndihmësin e Netanyahut, dyshohet se për rrjedhje të inteligjencës për të penguar marrëveshjen e pengjeve

STORM
-
0
Policia arreston ndihmësin e Netanyahut, dyshohet se për rrjedhje të inteligjencës për të penguar marrëveshjen e pengjeve

Policia izraelite ka arrestuar një ndihmës të lartë të kryeministrit Benjamin Netanyahu, i dyshuar për rrjedhje të informacionit të klasifikuar në mediat e huaja.

Udhëheqësit e opozitës thonë se inteligjenca ishte “falsifikuar” dhe pjesë e një mashtrimi për të penguar një armëpushim dhe marrëveshje pengjesh në Gaza.

Hetimi përqendrohet në pretendimet se zyra e kryeministrit promovoi në mediat e huaja pretendimin se Hamasi po planifikonte të kontrabandonte pengje nga Gaza mbi kufirin egjiptian dhe të krijonte ndarje në shoqërinë izraelite për t’i bërë presion Netanyahut për lirimin e pengjeve dhe marrëveshjen e armëpushimit.

Eliezer Feldstein, i cili është emëruar nga politikanët e opozitës si ndihmës i Netanyahut, është në mesin e disa personave që po merren në pyetje për rrjedhjen e “informacioneve të fshehta dhe të ndjeshme të inteligjencës”, sipas dokumenteve të gjykatës.

Një urdhër gjykate i bërë publik të dielën tha se informacionet e marra nga sistemet e ushtrisë izraelite dhe “të lëshuara në mënyrë të paligjshme”, mund të kenë dëmtuar aftësinë e Izraelit për të liruar pengjet e mbajtura nga Hamasi në Gaza.

Një zëdhënës i Netanyahut mohoi se ka pasur rrjedhje nga Zyra e Kryeministrit (PMO) dhe se “personi në fjalë nuk ka marrë pjesë kurrë në diskutime të lidhura me sigurinë”, me sa duket duke iu referuar Feldstein.

Kjo zyre gjithashtu minimizoi mundësinë që rrjedhja të ndikoj në negociatat me Hamasin për lirimin e pengjeve nga Gaza, duke e quajtur pretendimin “qesharak”.

Udhëheqësi i opozitës Yair Lapid akuzoi të dielën zyrën e kryeministrit për nxjerrjen e “dokumenteve sekrete të falsifikuara.

Familjet e pengjeve të mbajtura në Gaza e kanë akuzuar Netanyahun se ka penguar vazhdimisht një marrëveshje me Hamasin, duke besuar se fundi i luftës në Gaza do ta detyronte kryeministrin të mbajë zgjedhje.

Netanyahu pretendohet se në të kaluarën ka torpedouar marrëveshjet me kërkesat e orës 11 – diçka që ai e mohon.

Operacioni në Raushiq dhe Barilevë rezultoi me kapjen e 100 kg drogë

STORM
-
0
Operacioni në Raushiq dhe Barilevë rezultoi me kapjen e 100 kg drogë

Gjykata Themelore në Pejë ka caktuar paraburgimin prej 1 muajsh për dy të dyshuarit, Nevzat Dinaj për veprën “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analgoe” dhe Naser Rexha i dyshuar për veprën “kultivimi i bimës së hashashit.

Të dyshuarit ishin arrestuar më 3 nëntor, sipas njoftimit të Policisë në këtë operacion i quajtur “Kalaja janë sekuestruar 100 kilogramë drogë.

Pas hetimeve fillestare, Prokuroria Themelore në Pejë ka kërkuar paraburgim prej 1 muaji.

“Prokuroria Themelore në Pejë, Departamenti për Krime të Rënda me dt 04.11.2024 ka bërë kërkesë për caktimin e masës së paraburgimit ndaj të panderhurve, Nevzat Dinaj dhe Naser Rexha”, thuhet në kërkesë, raporton Express.

Pas kësaj kërkese, Gjykata ka mbajtur senacë e cla është zhvilluar sot ku edhe ka caktuar paraburgimin.

Bimët janë kultivuar në oborrin e një ferme në afërsi të një shëpie në Raushiq.

Ekskluzive: 24 Orë nga Zbulimi i Fituesit të Presidencës në SHBA!

STORM
-
0
Ekskluzive: 24 Orë nga Zbulimi i Fituesit të Presidencës në SHBA!

A jeni gati të zbuloni çdo detaj të garës më të nxehtë politike?

Storm• do t’ju mbajë të informuar për rrjedhën e zgjedhjeve të nesërme dhe fituesin e mundshëm të presidencës amerikane!

Në një intervistë ekskluzive, që transmetohet sonte nga ora 20:00, profesori dhe njohësi i sistemit politik amerikan, Zenun Halili, do të zbulojë të gjitha aspektet më të rëndësishme të sistemit elektoral dhe qeverisës të SHBA-së.

Ndiqeni intervistën në YouTube në storm-RKS dhe përgatituni të kuptoni çështje të rëndësishme e të pazbuluara më parë!

REL: Çfarë do të thotë hapja e kufirit energjetik mes Kosovës dhe Serbisë?

STORM
-
0
REL: Çfarë do të thotë hapja e kufirit energjetik mes Kosovës dhe Serbisë?

Linjat ndërlidhëse energjetike në kufirin ndërmjet Kosovës dhe Serbisë, të cilat menaxhohen nga Operatorët e Sistemit të Transmisionit të të dyja vendeve, janë fizikisht funksionale dhe aktive, por për arritjen e qëllimeve komerciale, është e rëndësishme që ato të përdoren.

Kështu thanë për Radion Evropa e Lirë nga Operatori i Sistemit, Transmisionit dhe Tregut i Kosovës (KOSTT), duke theksuar, po ashtu, se shpërndarja e kapaciteteve neto transmetuese në kufirin ndërmjet Kosovës dhe Serbisë, do t’u ofronte palëve më shumë mundësi për tregtimin e energjisë elektrike.

Përndryshe, linja ndërlidhëse paraqet një lloj kufiri energjetik, përkatësisht lidh sistemet energjetike të dy ose më shumë vendeve, mundëson shkëmbimin e energjisë elektrike dhe rrit stabilitetin e sistemit, si dhe sigurinë e furnizimit me energji elektrike.

Zëvendëskryeministri i Kosovës dhe kryenegociatori në bisedimet me Serbinë, Besnik Bislimi, tha më 24 tetor se është bërë përparim në zbatimin e Marrëveshjes për Energjinë dhe se Beogradi është pajtuar për t’i lëshuar në funksion linjat ndërlidhëse deri në fund të nëntorit.

Radio Evropa e Lirë e kontaktoi kabinetin e Bislimit për më shumë detaje lidhur me këtë çështje, por nuk mori përgjigje.

Pala serbe nuk e përmendi atë dhe nuk iu përgjigj pyetjeve të REL-it rreth saj.

I dërguari i posaçëm i BE-së në bisedimet Kosovë-Serbi, Mirosllav Lajçak, tha më 29 tetor, disa ditë pas takimit me Bislimin dhe kryenegociatorin serb, Petar Petkoviq, se nuk ka pasur përparim sa i përket zbatimit të Marrëveshjes për rrugën drejt normalizimit të marrëdhënieve mes dy vendeve, por shtoi se është optimist kur bëhet fjalë për çështje të tjera.

“Ka pasur përparim në disa çështje të tjera të rëndësishme, të cilat do t’i monitorojmë në javët në vazhdim”, shkroi Lajçak në llogarinë e tij në Facebook.

Ai nuk specifikoi saktësisht se për çfarë përparimi bëhet fjalë, por tha se është takuar me drejtorin e Sekretariatit të Komunitetit të Energjisë, me të cilin ka biseduar për bashkëpunimin energjetik në Ballkanin Perëndimor.

Në anën tjetër, KOSTT-i shpjegoi për REL-in se Kosova, aktualisht, ka tri linja ndërlidhëse plotësisht funksionale: në kufi me Malin e Zi, Shqipërinë dhe Maqedoninë e Veriut.

Në raportin vjetor të Zyrës së Rregullatorit për Energji (ZRRE) të Kosovës thuhet se Elektrorrjeti i Serbisë ka bllokuar linjat ndërlidhëse për përdorim komercial edhe në vitin 2023 dhe se rezultat i këtij bllokimi ka qenë mungesa e kapacitetit transmetues ndërkufitar.

“Mungesa e kapaciteteve transmetuese ndërkufitare, si rezultat i bllokimit të linjave interkonektive për operim komercial nga ana e Serbisë, vazhdon të shkaktojë vështirësi serioze për tregtarët, siç është pengimi i tregtisë së energjisë në këtë kufi, duke reflektuar kështu me rritjen e çmimit të kapaciteteve ndërkufitare në kufijtë e tjerë dhe çmimin e importit të energjisë, për Kosovën dhe për Evropën Juglindore”, u tha, mes tjerash, në raportin e publikuar në mars.

KOSTT: Marrëveshja operative me Elektro-ekonominë e Serbisë (EMS) mundëson bashkëpunim më të madh

Ndër hapat e fundit drejt zbatimit të plotë të Marrëveshjes për Energjinë është pikërisht lëshimi në funksion i linjave ndërlidhëse.

“Hap i ardhshëm mund të jetë nënshkrimi i Marrëveshjes Operative ndërmjet KOSTT-it dhe EMS-së – me të gjitha anekset teknike – e cila mundëson bashkëpunim më të madh në mes të dy operatorëve të sistemit të transmisionit”, tha KOSTT-i për Radion Evropa e Lirë.

Deri në publikimin e këtij artikulli, EMS-ja nuk iu përgjigj pyetjes së REL-it se a planifikon të nënshkruajë një marrëveshje të tillë me KOSTT-in.

Në kuadër të dialogut për normalizimin e marrëdhënieve, Kosova dhe Serbia arritën marrëveshje për energjinë në vitin 2013 dhe 2015, ndërsa në qershor të vitit 2022, dy palët miratuan Udhërrëfyesin për zbatimin e këtyre marrëveshjeve.

Atëkohë, BE-ja, e cila ndërmjetëson dialogun, tha se marrëveshjet për energjinë të viteve 2013 dhe 2015 “janë zbatuar vetëm pjesërisht”.

Ndërkohë, pas nënshkrimit të Udhërrëfyesit, u funksionalizua plotësisht kompania Elektrosever, e cila i furnizon me rrymë komunat me shumicë serbe në veri të Kosovës dhe mbledh faturat që filloi t’ua dërgojë konsumatorëve qysh në fillim të këtij viti.

Deri atëherë, banorët e Mitrovicës së Veriut, Leposaviqit, Zveçanit dhe Zubin Potokut nuk e paguan rrymën për rreth 25 vjet.

Kompania Elektrosever është në pronësi të Elektro-ekonomisë së Serbisë, por në Kosovë është e regjistruar sipas ligjeve të Kosovës.

Në bazë të Udhërrëfyesit për zbatimin e marrëveshjeve energjetike, KOSTT-i ofroi qasje edhe në nënstacionin e Vallaçit, i cili e siguron shumicën e energjisë elektrike për qytetarët në veri të Kosovës. Ai, gjithashtu, e furnizon me energji elektrike hidrocentralin në liqenin e Ujmanit.

Vallaçi është një nga nënstacionet e para të ndërtuara në Kosovë në sistemin e transmisionit.

Ai është i lidhur me pesë linja të tensionit të lartë 110 KV: Trepça, Skenderaj, Ujmani, Ilirida (afër Mitrovicës) dhe Palaj (afër Prishtinës), si dhe me stacionin Novi Pazar 2 (linjë ndërlidhëse Kosovë-Serbi).

Roli i Vallaçit është të sigurojë furnizim të rregullt me energji elektrike për palët e kyçura në këtë nënstacion brenda Sistemit të Transmisionit të Kosovës.

Ky nënstacion është i rëndësishëm edhe për shkëmbimin fizik të energjisë elektrike ndërmjet Kosovës dhe Serbisë përmes linjës ndërlidhëse Valaç-Novi Pazar.

Në Strategjinë e Energjisë të Qeverisë së Kosovës për periudhën 2022-2031 thuhet se disa nga synimet strategjike të vendit janë forcimi i bashkëpunimit rajonal dhe funksionimi i tregut kosovar.

Aty, po ashtu, thuhet se Kosova është e përkushtuar në zbatimin e të gjitha obligimeve nga Marrëveshja e Komunitetit të Energjisë, për të krijuar një treg të lirë, të integruar dhe konkurrues të energjisë elektrike. /REL

1...1 6671 6681 669...1 805Page 1 668 of 1 805

Të fundit

Postimet më të lexuara

Kategoritë kryesore

RRETH NESH

STORM ofron lajmet dhe përditësimet më të fundit për zhvillimet socio-politike dhe jo vetëm, duke i mbajtur lexuesit të informuar dhe të angazhuar me përmbajtje interesante dhe të rëndësishme, për Kosovën, rajonin dhe botën, në të gjitha segmentet e jetës.

Për informacione: info@storm-rks.com

Për Marketing: marketing@storm-rks.com

FOLLOW US

© 2024. Storm