Aktori amerikan Nick Cannon, ka folur për festat famëkeqe të Sean ‘Diddy’ Combs’ në të cilat ka marrë pjesë kur ishte vetëm 16 vjeç.

“Po them të vërtetën. Më kujtohet që qëndroja jashtë duke u përpjekur të futesha në një festë të Puff këtu në Nju Jork”, tha aktori 44-vjeçar për “Breakfast Club” të premten.

Cannon tha se nuk e ka problem të flasë hapur për pjesëmarrjen e tij në festat e egra të Combs sepse ai nuk ka “asgjë për të fshehur“, por theksoi se ai kurrë nuk kishte marrë pjesë në “freak off” famëkeqe.

”Unë isha atje duke kërcyer, duke bërë gjëra të ndryshme”, tha ai duke qeshur.

Situatë më e vështirë raportohet të jetë tek Justin Bieber, i cili thuhet se po kalon një kohë të vështirë, pasi ai përpiqet të përballet me akuzat që kanë dalë në dritë për ish-mikun e tij të ngushtë, Sean “Diddy” Combs .

Sipas një burimi që foli për Us Weekly, Bieber po ndjen presion të madh për shkak të marrëdhënies së tyre të ngushtë në të kaluarën, gjë që e bën situatën edhe më të vështirë.

“Ata kanë një histori të përbashkët dhe këto akuza e kanë mërzitur atë”, thotë burimi.

Një tjetër burim pohoi se këngëtari është në gjendje të vështirë mendore nga e gjithë kjo aferë dhe është këshilluar që të qëndrojë larg çdo gjëje që lidhet me lidhjen e reperit.

Kujtohet se Diddy akuzohet ndër të tjera për abuzim seksual, trafikim dhe zhvatje dhe zbulimet që dalin në dritë çdo ditë nga viktimat e dyshuara janë rrëqethëse.

Mes gjithë këtyre trazirave, Justin Bieber po përpiqet të gjejë ngushëllim në jetën e tij të re familjare, pasi së fundmi është bërë baba për herë të parë.

“Lumturia e tij me foshnjën e ndihmon me ankthin që ndjen për Diddy-n”, tregon një person nga ambienti i tij.

Kur gjithçka dukej se po shkonte perfekt në karrierën dhe jetën private të Luizit, një telash me drejtësinë e ka tronditur jo pak jetën e tij.

Ashtu edhe si është shkruar ditët e fundit, Gjykata e Fierit ka dënuar me 1 vit pas hekurave fituesin e “Big Brother Vip”, Luiz Ejlli për falsifikim dokumentesh për të justifikuar pasuritë e fituara nga aktiviteti kriminal të një personi.

Mësohet se Luiz Ejlli, ka përdorur vulën e noterit për falsifikim dokumentesh edhe pse ministria i kishte hequr licencën.

Fituesi i “BBV” raportohet se ka krijuar deklaratën noteriale me të dhëna të pavërteta dhe shtetasi me iniciale F. A., të cilit iu ishte sekuestruar pasuria, e kishte dorëzua në ish-Prokurorinë e Lushnjës më 25 shkurt 2022.

Ndonëse çështja pritet që të apelohet, vendimi ka prekur jo pak edhe karrierën e këngëtarit.

Bëhet me dije, se disa koncerte që Luizi kishte në Britaninë e Madhe janë anuluar.

Një fakt i tillë ka shqetësuar jo pak ekipin e menaxhimit të tij, të cilët janë konsultuar menjëherë me avokatët e tyre dhe të këngëtarit, për të parë të gjitha mundësitë, nëse çështja gjyqësore, do të sillte probleme në agjendën e tij.

Fakti që ka një dënim, e ndalon artistin që të largohet nga vendi, duke bërë që koncertet e tij jashtë kufijve të shtyhen për një moment të dytë.

Nga ana tjetër, edhe disa data që Luizi ka pasur të pronotuara në vend, janë anuluar.

Nuk dihet ende arsyet rreth kaq shumë anulimeve, brenda kaq pak ditëve, por ajo që dihet është fakti se e gjithë situata ka shqetësuar shumë si stafin e Luizit, ashtu edhe vetë Luizin.

Dosja e Ejllit kaloi për gjykim më 26 dhjetor 2022, dhe sipas Kodit Penal ai mund të dënohet me burgim nga 6 muaj deri në 4 vite.

Kjo histori nisi në vitin 2021, kur prokuroria e Fierit nisi hetimet dhe kërkonte sekuestrimin e pasurive të shtetasit F.A. për shkaqe të dyshimta.

Fituesi i “Big Brother Albania”, Luiz Ejlli, u dënua me 1 vit burg nga Gjykata e Fierit për falsifikim dokumentesh duke përdorur vulën e noterit, edhe pasi kishte humbur licencën, për të shpëtuar nga sekuestrimi, një pjesë të pasurisë së një ish-të dënuari për prostitucion në Itali.

Ndërsa, 18 muaj u dënua personit Fatmir Abdurramani që i është hartuar deklarata noteriale.

Vepra penale për të cilën Ejlli u dënua rezulton e kryer pak muaj para se të hynte në “Big Brother”.

Fatmir Avdurramani në hetim pasuror nga prokuroria, e cila i kishte sekuestruar disa prona, tentoi të shpëtojë një pjesë të tyre, duke përdorur Luis Ejllin.

Me vulat e noterit që i mbante edhe pse kishte humbur licencën, ish-banori i “Big Brother”, bëri një dokument të falsifikuar noterial, sikur 210 mijë euro Avdurramani i kishte marrë hua tek 2 persona.

Këtë dokument ish-i dënuari për prostitucion e depozitoi në prokurori por hetuesit kryen verifikime në arkiva të noterisë ku gjithçka i rezultoi e falsifikuar dhe dokument i manipuluar mbi të dhënat e një qytetari tjetër.

Luiz Ejllit i ishte hequr licenca në vitin 2021 nga Ministri i Drejtësisë, dhe në prill 2022-shit i janë tërhequr dokumentet dhe dosjet.

Luis Ejlli mbajti vetëm vulën e njomë e të thatë, të cilën e dorëzoi në muajin në maj, 3 muaj pasi kishte firmosur dokumentin e ish-të dënuarit.

Vendimi i Gjykatës së Fierit pritet të apelohet nga këngëtari në Gjykatën e Apelit, e cila pritet të vendosë nëse do të lërë në fuqi vendimin, ta ndryshojë apo ta shpallë të pafajshëm.

Nëse mbahet në fuqi vendimi i Shkallës së Parë, atëherë Luiz Ejlli duhet të shkojë ne burg.