Një municion i prodhuar nga SHBA u përdor në një sulm në qendër të Bejrutit nga i cili i vranë 22 persona dhe u plagosën 117 të tjerë.

Ky informacion është faktuar nga Guarduan, pas analizave të bëra në copëzat e municioneve të hedhura në një kompleks apartamentesh në lagjen me popullsi të dendur Basta, duke rrafshuar ndërtesën dhe duke shkatërruar makina dhe ambiente të brendshme të banesave aty pranë.

Ky ishte sulmi më vdekjeprurës në kryeqytetin e Libanit që nga fillimi i luftimeve midis Hezbollahut dhe Izraelit një vit më parë.

Një dëshmitar në vendngjarje tha se ekuipazhet e shpëtimit kishin punuar gjatë natës për të gjetur të mbijetuar dhe për të nxjerrë të vdekurit nga nën rrënoja.

Sipas tij, ndërtesa kishte më shumë njerëz që jetonin atje se zakonisht pasi banorët kohët e fundit kishin mirëpritur njerëzit e zhvendosur nga bombardimet izraelite në Libanin jugor dhe periferitë jugore të Bejrutit. Kjo rriti numrin e njerëzve të plagosur dhe të vrarë në sulmin ajror.

Ndërtesa ishte një nga dy të goditurat në qendër të Bejrutit të enjten mbrëma, duke synuar figurën e lartë të Hezbollahut, Wafiq Safa, kreun e njësisë së ndërlidhjes dhe koordinimit të grupit dhe përgjegjës për punën me agjencitë libaneze të sigurisë. Sipas Reuters, Safa i mbijetoi atentatit.

Sipas mediumit The Guardian, copëzat e gjetura janë të municionit Jdam të prodhuar nga SHBA.

Jdams janë komplete udhëzuese të ndërtuara nga kompania amerikane e hapësirës ajrore Boeing që bashkohen me “bomba memece” të mëdha që varijojnë deri në 900 kg, duke u drejtuar nga GPS.

Mbetja e armëve u verifikua nga divizioni i krizës, konfliktit dhe armëve të Human Rights Ëatch dhe një ish-tekniku ushtarak amerikan të bombave.

Armët amerikane kanë qenë kyçe për luftën e Izraelit në Gaza dhe Liban, me Jdams që është veçanërisht një nga municionet më të kërkuara të Izraelit nga SHBA.

Një hetim i mëparshëm nga Guardian zbuloi se një Jdam u përdor në një sulm që vrau shtatë punonjës të kujdesit shëndetësor, i konsideruar si shkelje e ligjit ndërkombëtar nga Human Rights Ëatch.

Sulmi i së enjtes shënon herën e parë që një municion i prodhuar nga SHBA konfirmohet se është përdorur në një sulm në qendër të Bejrutit që nga viti 2006.

SHBA-ja është kritikuar shumë për ndihmën e vazhdueshme ushtarake për Izraelin, e cila arriti në 17.9 miliardë dollarë vitin e kaluar.

Më shumë se 2,100 njerëz janë vrarë dhe më shumë se 10,212 janë plagosur në Liban që kur Hezbollah hodhi raketa në Izrael më 8 tetor 2023 “në solidaritet” me sulmin e Hamasit një ditë më parë.

Shumica u vranë që nga 23 shtatori i këtij viti, kur Izraeli shpalli një fazë të re në luftën e tij me Hezbollahun, të cilin e quajti Operacioni Shigjetat e Veriut.

Një shpërthim i madh është parë sot në pjesën jugore të kryeqytetit të Libanit, Bejrut.

Më vete, Forcat Mbrojtëse të Izraelit thanë se avionët luftarakë sulmuan “një numër magazinash armësh dhe selie të inteligjencës” në kryeqytet” që i përkisnin Hezbollahut.

“Ky sulm është një pjesë tjetër e përpjekjeve të vazhdueshme për të dëmtuar magazinat e municioneve dhe vendet e prodhimit në zonën e Bejrutit”.

Ndërkohë, Benjamin Netanyahu ka reaguar pas raportimeve se shtëpia e tij ishte cak i sulmeve me dron nga Irani dhe Hezbollahu, duke e quajtur një veprim të tillë si “një gabim i rëndë”.

Asnjë nga grupet që qëlluan kundër Izraelit gjatë vitit të kaluar, përfshirë Hezbollahun, nuk e kanë marrë përgjegjësinë për atë sulm.

E derisa lufta në lindjen e mesme nuk po dihet se kur mund ta ketë fundin, në Londër është mbajtur një protestë ku morën pjesë mijëra protestues, duke akuzuar Mbretërinë e Bashkuar dhe SHBA-të për mosveprim.

Në krah të flamujve të Palestinës dhe Libanit valonin pankartat me mbishkrimet që thërrisnin për paqe dhe një Palestinë të lirë.

Ka qenë i menjëhershëm reagimi i kryeministrit Keir Starmer, i cili ka thënë se bota “nuk do të tolerojë më justifikime për ndihmën humanitare” nga Izraeli për situatën në Gaza.