Emisari për dialogun Kosovë-Serbi, Miroslav Lajcak, ka qëndruar sot për një vizitë në Shkup, ku ka marrë pjesë në një organizim të Kuvendit të Maqedonisë së Veriut.

Lajçak ka thënë se mesazh i tij ka qenë i qartë dhe se anëtarësimi në BE është një proces kërkues dhe se kërkon kompromise historike. Lajçak ka thënë se Maqedonia e Veriut duhet të qëndrojë e fokusuar në këtë synim.

“Mesazhi im ishte i qartë: Anëtarësimi  në BE është kërkues, kërkon kompromise historike dhe ka nevojë që e gjithë shoqëria të ketë sukses. Maqedonia e Veriut duhet të qëndrojë e fokusuar në qëllimin”, ka shkruar Lajçak.

Partitë politike në Maqedoni të Veriut kanë komentuar vendimin e kushtetueses në lidhje me Ligjin për Gjuhët.

Për BDI-në, vendimi i Gjykatës Kushtetuese që të dëgjojë mendime nga ekspertët lidhur me ligjin për përdorimin e gjuhëve është papranueshëm.

Kreu i BDI-së Ali Ahmeti theksoi se nismat duhet të hidhen poshtë dhe të mbyllet kapitulli.

“Me rëndësi për ne është që sot përderisa janë etnikisht të pastër aty, kanë përgjegjësinë morale përpara komunitetit maqedonas, që në këtë seancë të hedhin poshtë që të 13 iniciativat dhe përfundimisht të mbyllet ky kapitull dhe të mos lihen gjërat të hapura”, tha Ali Ahmeti, kryetar i BDI-së.

Nga ana tjetër koalicioni VLEN është i kënaqur me epilogun e sotëm në Kushtetuese. VLEN thotë se do ta mbrojë shqipen deri në fund.

“Atë që kemi thënë javë më parë, sot u konfirmua. Sot nuk ndodhi asgjë dhe asnjëherë nuk do të lejojmë degradimin e gjuhës shqipe. Sot triumfoi faktorizimi i VLEN-it, si pjesë e kësaj qeverie demokratike. Kur ne thamë që shqipja nuk do të preket kështu edhe ndodhi. Ne sot nga këtu e themi se shqipja do të avancohet edhe më shumë edhe më mirë”, u shpreh Rijad Shaqiri – VLEN.

Nga VMRO-DPMNE shprehen se edhe BDI-ja e ka ditur se asgjë nuk do të ndodhë.

“BDI përsëri u mposht. Erdhi i 11-ti dhe asgjë nuk ndodhi. Edhe BDI e dinte se asgjë nuk do të ndodhë, sepse ashtu janë procedurat gjyqësore. BDI qëllimisht krijon atmosferë të vazhdueshme të tensioneve etnike. Këtë e bëjnë kur duhet të përballen me sfida dhe me probleme për shkak krimit, e në këtë mënyrë duan ta tërheqin vëmendjen”, theksoi Brane Petrushevski – VMRO-DPMNE.

Ligji për përdorimin e gjuhëve u miratua në vitin 2018, ndërsa në fuqi hyri në vitin 2019.

Nismat në kushtetuese kontestojnë pothuajse tërë ligjin, përveç nenit 1 që ka të bëjë me gjuhën maqedonase dhe alfabetin cirilik.

Sonila Cani, një 21-vjeçare, me origjinë shqiptare, u gjet e pajetë në mars të vitit 2021 në një apartament në periferi të Torinos, vdekja e së cilës është ende mister.

Historia e Sonilës, e shfrytëzuar nga një grup shqiptar që drejtonte një rrjet prostitucioni në kryeqytetin piemontez, doli pas operacionit të skuadrës fluturuese, të quajtur Mariposa, e cila javën e kaluar çoi në pesë masa paraprake për krime, duke filluar nga grabitja deri te nxitja e emigracionit të paligjshëm.

Gjashtëmbëdhjetë persona janë nën hetim. Sipas prokurorisë së Torinos, siç raporton gazeta La Stampa, vajza mund të jetë shtyrë për të kryer vetëvrasje. Hetimet koordinohen nga prokurorja Valentina Sellaroli.

Operacioni që çoi në çmontimin e rrjetit filloi në maj 2022 nga një grabitje ndaj një prostitute shqiptare. Hetimet zbuluan një sistem kriminal që përfshinte gra të reja të detyruara të prostitucionin në zona të veçanta të qytetit si Barriera Nizza dhe Madonna di Campagna.

Viktimat, të gjithë të kombësisë shqiptare, sipas asaj që është rikonstruktuar, kanë pësuar ngacmime të vazhdueshme fizike dhe psikologjike. Gratë u detyruan t’ua dorëzonin të gjithë të ardhurat shfrytëzuesve të tyre dhe ndodheshin në kushte nënshtrimi total, të mbajtura edhe nëpërmjet lidhjeve sentimentale manipuluese. Mes tyre do të ishte edhe Sonila, e gjetur e pajetë në banjën e një apartamenti të vogël ku jetonte me partnerin e saj (tani ndër ata që janë nën hetim) dhe fëmijën e saj dy vjeç. /Top Channel

Kuvendi mban nesër seancën e radhës plenare, seancë e cila sipas gazetarit Ergys Gjençaj pritet të nisë që në fillim me tensione.

Shkak për këtë duket se do të jetë opinioni i publikuar ditën e djeshme nga Komisioni i Venecias në lidhje me kërkesën e Kuvendit për mandatin e Olta Xhaçkës.

Debate parashikohen duke u nisur edhe nga reagimi i djeshëm i opozitës dhe mazhorancës pas publikimit të opinionit, ku secila pale e lexoi ndryshe duke pretenduar se kishin të drejtë.

Në lidhje me rendin e ditës, nesër do të diskutohen pikat të cilat nuk u shqyrtuan në seancën e javës së shkuar për shkak të kaosit dhe përplasjes mes opozitës dhe mazhorancës.

Pritet të diskutohet edhe kërkesa e 40 deputetëve të Partisë Socialiste për faljen e gjobave për ndërtimet pa leje në zonat rurale, pikë e cila nuk u arrit të ezaurohej javën e shkuar.