Pas caktimit të 12 tetorit si datë për mbajtjen e zgjedhjeve lokale nga presidentja e shtetit, Vjosa Osmani, në Komisionin Qendror të Zgjedhjeve (KQZ), thonë se do të ndërmarrin të gjithë hapat ligjor për të filluar me përgatitjen e këtij procesi zgjedhor.

Valmir Elezi i KQZ-së, tha se së shpejti, KQZ-ja do të mbajë mbledhje për të miratuar afatet dhe planin e aktiviteteve për organizimin e këtyre zgjedhjeve.

Ai ka treguar se çka përfshijnë këto aktivitete.

“Miratimi i afateve dhe i planit të aktiviteteve do të përcaktojë saktësisht fillimin dhe përfundimin e çdo aktiviteti zgjedhor. Këto aktivitete, që ndërlidhen drejtpërdrejt me votuesit, subjektet politike dhe vëzhguesit e zgjedhjeve, ndër të tjera përfshijnë: aplikimi i subjekteve politike për t’u certifikuar për pjesëmarrje në zgjedhje dhe dorëzimi i listës së kandidatëve; verifikimi i përshtatshmërisë/aftësisë së kandidatëve; deklarimi i partive politike për pjesëmarrje në zgjedhje përmes koalicionit; periudha e regjistrimit si votues jashtë Kosovës dhe votimi jashtë Kosovës; periudha për regjistrimin dhe Votimin e Personave me Nevoja të Veçanta (VNPV); periudha e fushatës zgjedhore për subjektet politike dhe kandidatët e certifikuar; periudha për aplikimin dhe akreditimin e vëzhguesve të zgjedhjeve dhe mediave; periudha emërimin e trupave zgjedhore (Komisionet Komunale të Zgjedhjeve dhe këshillat e Vendvotimeve) dhe trajnimin e tyre; certifikimi i Listës së Votuesve, e të tjera”, ka thënë Elezi për RTKlive.

Sot, e para e vendit shpalli 12 tetorin si datë për mbajtjen e zgjedhjeve lokale, pas takimit të zhvilloi gjatë javës së shkuar me liderë të partive politike.

Sipas Presidencës, vendimi erdhi pas shqyrtimit të kujdesshëm të propozimeve nga partitë.

E propozuara e Lëvizjes Vetëvendosje për kryeparlamentare, Albulena Haxhiu tha se ata si parti kërkojnë unitet për konstituim të Kuvendit, e sipas saj, ata që kanë propozuar një qeveri të tillë duhet t’i braktisin këto qëndrime.

Ajo këtë propozim e ka quajtur tendencë për në minimizuar e shkelur vullnetin e popullit.

“Ne kërkojmë unitet për konstituimin e Kuvendit. Është e rëndësishme të kemi unitet ta konstituojmë Kuvendin, qytetarët e kanë thënë falën e tyre më 9 shkurt. Kurti është lideri më i votuar në historinë e Kosovës dhe Lëvizja Vetëvendosje është partia me më së shumti vota në vend. Propozimet e tilla janë tendencë për të minimizuar vullnetin popullit, por  nuk e kanë mbështetjen e LVV-së. Ata thonë qeveri të tranzicionit, por ne e kemi qeverinë e tranzicionit për momentin, sepse e kryejmë punën deri në qeverinë e ardhshme. Prandaj le t’i braktisin këto qëndrime të cilat janë kundër vullnetit të popullit e tentojnë ta minimizojnë atë vullnet e të kthehemi të unifikuar për ta konstituuar Kuvendin”, tha Haxhiu.

E pyetur nëse do të tërhiqej për t’i lënë vendin një kandidati tjetër, Haxhiu tha se kjo është e drejtë e partisë së parë.

“Së pari ka pasur përpjekje 6 herë që votimi për kryetar të bëhet me vota të hapura, nuk rezultoi i suksesshëm. Kemi letrën e presidentes Osmani që kërkon nga të gjitha partitë të kontribuojnë në konstituimin e kuvendit. Nuk është përgjegjësi vetëm e jona, është e të gjithë deputetëve. Votimi i mbyllur erdhi pas 6 dështimesh, sepse duhet të shihen të gjitha mënyrat për konstituimin e Kuvendit. Askush nuk mund të ndërhyjë në të drejtën e subjektit që ka dalë i pari në zgjedhje”, tha Haxhiu.