Mbrëmë, kryeqyteti u mbush me energji dhe emocione teksa grupi legjendar Gipsy Kings ngjiti skenën dhe dhuroi një performancë të jashtëzakonshme për publikun.
Me ritmet karakteristike të flamengos dhe hitet e tyre të njohura botërisht, artistët krijuan një atmosferë magjepsëse që elektrizoi të pranishmit dhe e shndërroi natën në një festë të paharrueshme muzikore.
Koncerti u prit me entuziazëm të madh dhe dëshmoi edhe njëherë dashurinë e publikut për muzikën autentike dhe performancat live me shpirt.
“Jam e lumtur që Prishtina çdo ditë po shndërrohet në një qendër të gjallë të kulturës dhe artit”, ka shkruar në profilin e saj në “Facebook”, Sibel Halimi – Drejtore e Kulturës në Komunën e Prishtinës.
Tutje, Halimi i ka falënderuar me shumë mirënjohje artistët legjendarë, Diego Bailardo dhe Canut Reyes, për natën magjike që e sollën në Kryeqytetin tonë.
