Kandidati i Partisë Demokratike të Kosovës (PDK) për kryeministër, Bedri Hamza, është takuar me mërgatën në Gjermani, ku dhe thotë se diaspora foli me zë të fuqishëm në Hanover.
Ai përmes një postimi në profilin e tij në “Facebook”, tha se atje mori përkrahje të madhe.
Ndër të tjera, ai shkruan se diaspora ka entuziazëm dhe vullnet të fortë për ta bërë Kosovën më të mirë.
“Një përkrahje e madhe, me entuziazëm dhe vullnet të fortë për ta bërë Kosovën më të mirë. Diaspora është forcë dhe potencial i Kosovës. Është urëlidhje e jona me demokracitë dhe ekonomitë më të zhvilluara në botë. Ne, mundemi ma mirë. Ne, bashkë, siç kemi mundur në vitet e 90-ta, do të mundemi edhe tash. Me diasporën, Kosova mundet ma mirë! Shtëpia e zemrës, Kosova, do të bëhet shtëpia e së ardhmes së përbashkët!”, ka shkruar Hamza në “Facebook”.
