Këshilli Gjyqësor i Kosovës (KGJK) ka dështuar sërish të zgjedhë kryesuesin e ri të këtij institucioni, si pasojë e mungesës së kuorumit të nevojshëm për vendimmarrje.
Procesi për përzgjedhjen e kreut të ri të KGJK-së nisi më 12 mars, kur u shpall konkursi zyrtar, i cili mbeti i hapur deri më 26 mars 2026. Pavarësisht përmbylljes së afatit për aplikim, trupa e Këshillit nuk ka arritur ende të votojë për kandidatët në garë.
Në garën për pozitën e të parit të Këshillit Gjyqësor janë dy anëtarë aktualë të këtij institucioni:
-
Thaqi – gjyqtar në Gjykatën Supreme të Kosovës.
- Advertisement - -
Bislimaj – gjyqtar në Gjykatën e Apelit.
Afatet ligjore dhe rreziku i vonesave Sipas Rregullores mbi Organizimin dhe Veprimtarinë e Këshillit Gjyqësor të Kosovës, përkatësisht pikës 6 të saj, përcaktohet qartë se pozita e kryesuesit dhe zëvendëskryesuesit duhet të plotësohet brenda një afati prej 30 ditësh nga dita kur këto pozita mbeten të lira.
Dështimi i përsëritur për shkak të mungesës së anëtarëve në mbledhje po rrezikon tejkalimin e këtyre afateve rregullatore, duke vështirësuar kështu menaxhimin efikas të sistemit gjyqësor në vend. KGJK-ja pritet të caktojë një mbledhje tjetër në ditët në vijim për të tentuar sërish përmbylljen e këtij procesi jetik për institucionin.
