Kryetari i LDK-së, Lumir Abdixhiku, ka propozuar një qeveri teknike të quajtur “qeveri kombëtare të tranzicionit”.
Kjo qeveri sipas tij, do të duhej të ishte aktive deri në zgjedhjen e presidentit.
Në një konferencë për media që aktualisht është duke u mbajtur, ai ka thënë se një ftesë të tillë e ka dërguar tek të gjitha partitë, përfshirë edhe tek Lëvizja Vetëvendosje, raporton Storm.
Sa i përket letrës së ardhur nga Kurti, kreu i LDK-së ka thënë se i ka kthyer sot përgjigje me qëndrimin e LDK-së, por ka refuzuar që ta zbuloj përmbajtjen.
I kam njoftuar të gjitha partitë politike shqiptare, momentalisht sapo kam marrë mbështetjen për idenë tonë nga lideri i AAK-së, Ramush Haradinaj.
Abdixhiku ka thënë se nëse vendoset të shkohet në zgjidhje, ai është i gatshëm ta bëjë një gjë të tillë.
